რაიონები თბილისში, სადაც ხვალ დენი რამდენიმე საათით გაითიშება

გეგმური პროფილაქტიკური სამუშაოების გამო, თბილისის ზოგიერთ უბანს ხვალ ელექტროენერგიის მიწოდება დროებით შეეზღუდება.

როგორც „ინტერპრესნიუსს“ კომპანია „თელასიდან“ აცნობეს, სამგორის რაიონში 11:00 საათიდან 18:00 საათამდე შეზღუდვა შეეხება: ვარკეთილის მასივის ზედა პლატოს და ხომლელის (ნაწილობრივ) ქუჩის მცხოვრებლებს.

საბურთალოს რაიონში 10:00 საათიდან 18:00 საათამდე შეზღუდვა შეეხება: ლუკიანე თაბუკაშვილის ქუჩის მცხოვრებლებს. გეგმური პროფილაქტიკური სამუშაოების გამო 10:00 საათიდან 14:00 საათამდე შეზღუდვა შეეხება: დიღმის სასწავლო მეურნეობის, აკაკი გელოვანის და სიხარულიძის (ნაწილობრივ) ქუჩების მცხოვრებლებს.

კრწანისის რაიონში 12:00 საათიდან 18:00 საათამდე შეზღუდვა შეეხება: ფონიჭალის დასახლების (ნაწილობრივ) მცხოვრებლებს.

კომპანია ბოდიშს უხდის მომხმარებლებს შექმნილი დისკომფორტის გამო. სამუშაოების დასრულების შემდეგ აბონენტებს ელექტრომომარაგება აღუდგება.

გეგმური სარეაბილიტაციო სამუშაოების გამო, ხვალ ელექტროენერგიის მიწოდება შეეზღუდება ასევე „ენერგო-პრო ჯორჯიას“ აბონენტების ნაწილსაც. როგორც „ინტერპრესნიუსს“ კომპანიიდან აცნობეს, 13 ივნისს 13:00-დან 15:00 საათამდე ელექტროენერგიის მიწოდება შეეზღუდება 110 აბონენტს დიღომში, დიდ დიღომში, ხატაეთის, ჰუგო ჰუპერტის, ბარონ დე ბაის და მიმდებარე ქუჩებზე.

11:00-დან 18:00 საათამდე 483 აბონენტს ნატახტარში, მისაქციელში და მიმდებარე სოფლებში; 13:00-დან 16:00 საათამდე 607 აბონენტს მცხეთის რაიონის სოფლებში - წოდორეთი, მსხალდიდი, ზემო ლისი და მიმდებარე ტერიტორიაზე.

„სარეაბილიტაციო სამუშაოების დასრულებისთანავე ელექტროენერგიის მიწოდება ჩვეულ რეჟიმში აღდგება“, - ნათქვამია ინფორმაციაში.