ავარია კახეთის გზატკეცილზე - დაშავებულია ორი ადამიანი

კახეთის გზატკეცილზე მომხდარი ავარიის შედეგად ორი ადამიანი დაშავდა. აეროპორტის გადასახვევთან, სწრაფად მიმავალი "ოპელის" მარკის ავტომობილი შუქნიშანზე გაჩერებულ "ფოლკსვაგენს" დაეჯახა, ეს უკანასკნელი კი მის წინ მდგომ მიკროავტობუსს. დაშავებული მგზავრები საავადმყოფოში არიან გადაყვანილი.

როგორც Ambebi.ge-ს შინაგან საქმეთა სამინისტროს პრესსამსახურში განუცხადეს, მომხდართან დაკავშირებით დაიწყო სსკ-ს 276-ე მუხლის 1-ლი ნაწილით გამოძიება. ადგილზე გამომძებლები მუშაობენ.