რა არის უნივერსალური საჩუქარი, რომლის ადრესატსაც ის აუცილებლად მოეწონება? ეს წიგნია - საჩუქარი, რომელიც შეგიძლია ნებისმიერი გემოვნებისა და ინტერესების მქონე ადამიანს მისი ჰობის მიხედვით შეურჩიო და აჩუქო, თან დარწმუნებული იყო, რომ ამით მას გააბედნიერებ.
დათო ტურაშვილი, მწერალი:
„ბევრი წიგნი მახსოვს, რომელიც მაჩუქეს. თუმცა მე ის უფრო მიყვარს, მე რომ ვჩუქნი წიგნს. მთელ საქართველოში სოფელ-სოფელ დავდივარ და ყველას ვჩუქნი ხოლმე. ძალიან მსიამოვნებს ეს პროცესი. განსაკუთრებით დასამახსოვრებელი საჩუქარი კი ჩემთვის აღმოჩნდა ასტრიდ ლინდგრენის „მაწანწალა რასმუსი“, რომელიც მამაჩემმა ჯერ კიდევ მაშინ მაჩუქა, როცა კითხვა არ ვიცოდი. ბევრმა წიგნმა იქონია დიდი გავლენა ჩემზე, მაგრამ ეს არის სრულიად განსხვავებული. „მაწანწალა რასმუსი“ არის პირველი ყველაზე შთამბეჭდავი წიგნი, რომლის გამოც სრულიად სხვა სამყაროში აღმოვჩნდი. ეს არის წიგნის სამყარო, რომელსაც მერე ვეღარასდროს მოვწყდი. მინდა მამაჩემს კიდევ ერთხელ ვუთხრა მადლობა ამ განსაკუთრებული საჩუქრისთვის.“
დრო მიდის, საზოგადოება ვითარდება, ადამიანები იცვლებიან, თუმცა უცვლელი რჩება ერთი რამ. ადამიანებს უყვართ კითხვა, ახალი სამყაროს აღმოჩენა, ახალი ემოციები და შთაბეჭდილებები. ცოდნა და გამოცდილება, რომელსაც წიგნიდან ვიღებთ ცხოვრებას გვიმარტივებს, ზოგს სირთულეების გადალახვაში ეხმარება, ზოგს კი პროფესიულ განვითარებაში უწყობს ხელს. სწორედ ამიტომ არის წიგნი უნივერსალური საჩუქარი. თუმცა წიგნის ჩუქებისას მნიშვნელოვანია, რომ ადრესატის ინტერესები გაითვალისწინოთ.
ჩვენ გირჩევთ რამდენიმე ბესტსელერს, რომელიც თქვენს ახლობლებსა და მეგობრებს მათი ჰობის მიხედვით შეიძლება აჩუქოთ.
შეგახსენებთ, ზემოთ ჩამოთვლილი წიგნების შეძენა მაღაზიათა ქსელ "ბიბლუსშია" შესაძლებელი.