საქართველოს ნაკრების მეკარის 9 წლის გოგონა უბედურ შემთხვევას ემსხვერპლა

15 აგვისტოს თბილისში მომხდარ უბედურ შემთხვევას 9 წლის გოგონა ემსხვერპლა. შემთხვევა დოლიძის ქუჩაზე მოხდა. დაღუპულია 9 წლის ტატა რევიშვილი, რომელიც საქართველოს ნაკრების მეკარის ნუკრი რევიშვილის და მოდელ თიკო ჩხეიძის უფროსი ქალიშვილია.

არსებული ინფორმაციით, გოგონამ საცხოვრებელი სახლის ფანჯრის გისოსებს მოკიდა ხელი, რა დროსაც მასზე დენი გადავიდა და ბავშვი იმსხვერპლა.

როგორც AMBEBI.GE-ს შს სამინისტროში განუცხადეს, გამოძიება სსკ 124-ე მუხლით მიმდინარეობს, რაც ჯანმრთელობის ნაკლებად მძიმე ან მძიმე დაზიანებას გაუფრთხილებლობით გულისხმობს.