ავტორი:

მსოფლიოში "ყველაზე ღარიბმა პრეზიდენტმა" პენსიაზე უარი თქვა

მსოფლიოში "ყველაზე ღარიბმა პრეზიდენტმა" პენსიაზე უარი თქვა

ურუგვაის ყოფილმა პრეზიდენტმა ხოსე მუხიკამ, რომელსაც „მსოფლიოში ყველაზე ღარიბ პრეზიდენტს“ უწოდებენ, განაცხადა, რომ სენატორის პენსიის მიღება არ სურს.

მუხიკა ურუგვაის სენატში 2015 წლიდან მუშაობდა, თანამდებობა პრეზიდენტის პოსტის დატოვების შემდეგ დაიკავა. გასულ კვირას კი სენატორის თანამდებობაც დატოვა.

ყოფილ პრეზიდენტს საშუალება ჰქონდა სენატორის სავარძელი 2020 წლამდე შეენარჩუნებინა, თუმცა გადადგომის შესახებ განცხადებაში აღნიშნა, რომ ძალიან გადაიღალა.

მუხიკა 83 წლისაა. 14 წელი მას სამხედრო ციხეებში აქვს გატარებული. ურუგვაის ყოფილმა პრეზიდენტმა, რომელიც პირდაპირი და მწვავე განცხადებებით არის ცნობილი, ბოდიში მოუხადა ყველა კოლეგას, ვისთვისაც კამათის დროს უწყენინებია.

მუხიკა მსოფლიომ ცხოვრების მოკრძალებული სტილის წყალობით გაიცნო. პრეზიდენტის თანამდებობაზე ყოფნის დროს, ისევე, როგორც პოსტის დატოვების შემდეგ, ცოლთან ერთად ფერმაში ცხოვრობდა, დედაქალაქთან ახლოს.

პრეზიდენტი და მისი ცოლი ყიდდნენ ყვავილებს, ხელფასის თითქმის 90%-ს კი ქველმოქმედებას ახმარდნენ. მუხიკას საკუთრებაში, ფერმის გარდა, იყო 1987 წელს გამოშვებული ავტომანქანა Volkswagen Beetle. 2014 წელს ავტომობილის სანაცვლოდ მას მილიონი დოლარი შესთავაზეს, თუმცა მუხიკამ უარი თქვა და განაცხადა, რომ ტრანსპორტი სამი წლის ძაღლის გადასაყვანად სჭირდებოდა.

ურუგვაის პოლიტიკურ წრეებში არ გამორიცხავენ, რომ მუხიკა პენსიაზე გასვლის შემდეგ 2019 წლის საპრეზიდენტო არჩევნებში მონაწილეობისთვის მოემზადება.

"მისგან ისეთივე პიროვნება გამოძერწეს, როგორც მიხეილ სააკაშვილი საქართველოსთვის" - რას ამბობს ჟირინოვსკი ნავალნისა და სააკაშვილზე?

მინსკში მილიციამ აქციაზე 125 ადამიანი დააკავა - ძალოვანებმა სპეციალური ტექნიკა გამოიყენეს

როგორი იქნება თავის ქალაში ჩასადგმელი ჩიპი? - ილონ მასკის თქმით, იმპლანტაციამ ღორის ტვინში წარმატებით ჩაიარა