ვალერი მელაძემ საქართველოს იუსტიციის სამინისტროს მოქალაქეობის თხოვნით მიმართა - რუსული მედია
მომღერალმა ვალერი მელაძემ საქართველოს იუსტიციის სამინისტროს მოქალაქეობის თხოვნით მიმართა, ამის შესახებ ინფორმაციას რუსული მედია ავრცელებს. სააგენტო ТАСС წერს, რომ მელაძე რუსეთის მოქალაქეობასაც შეინარჩუნებს.
GHN-ის ინფორმაციით, მომღერალი ახლა ბათუმში იმყოფება.
ვალერი მელაძე 1965 წლის 23 ივნისს საქართველოში, ბათუმში დაიბადა, აქვე დაამთავრა სამუსიკო სკოლა, ფორტეპიანოს განხრით. მოგვიანებით კი საცხოვრებლად რუსეთში გაემგზავრა.
დღეისთვის მელაძე რუსული ესტრადის ყველაზე გავლენიან წარმომადგენლებს შორის არის. „ფორბსის“ 2017 წლის მონაცემებით, ის 20 ყველაზე მდიდარ რუს მომღერალს შორის იყო.
მუსიკალურ სფეროში საქმიანობის გარდა, მომღერალი კომერციული საქმიანობითაც არის დაკავებული და მოსკოვში რამდენიმე პოპულარული კლუბის, მათ შორის მოსკოვის ერთ-ერთი ყველაზე ცნობილი მუსიკალური კაფეს - Rhythm & Blues Cafe მფლობელია, რომელსაც ანდრეი მაკარევიჩთან ერთად ფლობს. წლების წინ კი "ინვესტტორგბანკის" დირექტორთა საბჭოს წევრიც იყო.
ანჯელინა ჯოლი ყოფილ ქმარს დაუბრუნდა? - პაპარაცებმა მსახიობი ჯონი ლი მილერის ბინაში "გამოიჭირეს"
ქეთა თოფურიამ შვილს ზღაპრული დაბადების დღე საქართველოში გადაუხადა - როგორი წვეულება გამართა მომღერალმა წყნეთის აგარაკზე
