ავტორი:

"თურქულ პომიდორს ქართული რომ შეცვლის ჩვენს ბაზრებში, მერე მელაპარაკეთ მარიხუანას პლანტაციებზე“ - ზურა შევარდნაძე

"თურქულ პომიდორს ქართული რომ შეცვლის ჩვენს ბაზრებში, მერე მელაპარაკეთ მარიხუანას პლანტაციებზე“ - ზურა შევარდნაძე

ცნობილი მებაღე ზურა შევარდნაძე ფიქრობს, რომ მარიხუანას მოშენებას აჯობებს, საზოგადოებამ ხილისა და ბოსტნეულის მოყვანაზე იფიქროს, შევარდნაძე ამის შესახებ "ფეისბუქზე" წერს.

"კანაფის და საერთოდ ყველა მცენარის მოვლას და მოსავალის მოწევას ბევრი შრომა სჭირდება. ქვეყანაში, რომელიც ბადრიჯანს თურქეთიდან ყიდულობს, უშველებელი მანქანებით ჩამოდის მთელი ზამთარი ბროკოლით დაწყებული, ფორთოხლით დამთავრებული ხილის და ბოსტნეულის უმრავლესობა უცხო ქვეყნიდან, რატომ გგონიათ, რომ იგივე ხალხი მარიხუანას პლანტაციებში შრომით გაითანგება და ამით საკუთარ ოჯახებს არგებენ და ქვეყნის ეკონომიკასაც გააძლიერებენ?!

ტყუილად ენის ფხანა მგონია ეს ყველაფერი და საერთოდ, სამარცხვინოა ამაზე ლაპარაკიც კი.. დროა, მიტოვებულ ეზოებს მივხედოთ, ძველი ტრადიციული ჯიშები შევინარჩუნოთ, ვთესოთ, დავრგათ, დავამყნათ, შვილები გვერდით დავიყენოთ და შრომას მივაჩვიოთ, მაშინ ნაკლები დრო გვექნება მსგავსი გასართობებისთვის და გვეცოდინება მაინც რითი ვიკვებებით..

ჩაის პლანტაციები გატყიურდა და ჩვენ "ახმადის" ერთჯერად პაკეტებში გამოკონილ ჩაის ვსვამთ მშვიდად... ჯერ გორში იმდენი ვაშლი გავაშენოთ, ზამთარში ირანული გოროხებივით ხილი არ დაგვჭირდეს, ფორთოხალი საბერძნეთიდან კი არა - ქობულეთიდან უნდა მოდიოდეს, სტაფილო მარნეულიდან და არა - სომხეთიდან, ბროწეული მცხეთური ჯობია აზერბაიჯანულს, თურქულ თეთრი არმატურებიან პომიდორს - ქართული ხარისგულა რომ შეცვლის ჩვენს ბაზრებში, მერე მელაპარაკეთ მარიხუანას პლანტაციებზე... თავმოყვარეობაც კაი საქონელია!!!" - წერს შევარდნაძე.