ცნობილი ტოპმოდელი ნატალია ვოდიანოვა საქართველოში ისვენებს

რუსი მოდელი ნატალია ვოდიანოვა საქართველოშია. "ინსტაგრამზე" მის მიერ გაზიარებული ფოტოებიდან ირკვევა, რომ მოდელი ყაზბეგში ისვენებს და ბუნებით მოხიბლულია.

გარდა მოდის ინდუსტრიაში წარმატებული კარიერისა, საქველმოქმედო საქმიანობითაც არის ცნობილი.

ვოდიანოვა არის ფონდის Naked Heart Foundation დამაარსებელი, რომელიც შშმ ბავშვებსა და მათ მშობლებს ეხმარება.

ფონდის დაარსების იდეა მოდელს 2004 წელს, ბესლანში მომხდარი ტრაგედიის შემდეგ გაუჩნდა, როდესაც 200-მდე ბავშვი გარდაიცვალა. ვოდიანოვა ამბობს, რომ მას სურდა რამე გაეკეთებინა, რათა ადამიანებს დახმარებოდა.