ავტორი:

„ანაკლია სითიმ“ სხვადასხვა მიმართულებით ტენდერები გამოაცხადა

„ანაკლია სითიმ“ სხვადასხვა მიმართულებით ტენდერები გამოაცხადა

„ანაკლია სითი“ პროექტის განვითარების ახალ ეტაპზე გადადის. როგორც „ინტერპრესნიუსს“ კომპანიიდან აცნობეს, ანაკლიაში სპეციალური ეკონომიკური ზონის(სეზ) განვითარებისთვის, დეტალური სამუშოების მიმართულებით ტენდერები გამოცხადდა, კერძოდ, კი ანაკლიის სპეციალური ეკონომიკური ზონის განაშენიანების რეგულირების გეგმისა და გარემოზე ზემოქმედების შეფასების დოკუმენტის შემუშავებაზე.

„ახალ ეტაპს წინ უძღვოდა ეკონომიკურ კვლევასა და ანაკლიის კონცეპტუალურ ქალაქგეგმარებით დოკუმენტზე მუშაობა. აღნიშნულ კვლევას უახლოეს მომავალში წარადგენენ და მასზე ბოლო 6 თვის განმავლობაში მუშობდნენ: “ანაკლია სითი“, საერთაშორისო ტენდერში გამარჯვებული ბრიტანული კომპანია, BuroHappold Engineering-ი და ურბანული დაგეგმარების სფეროში მსოფლიოში ერთ-ერთი წამყვანი ბრიტანული კონსულტანტი კომპანია Moffat & Nichol-ი. აღნიშნული კომპანიების საერთაშორისო ექსპერტებმა მოამზადეს: ანაკლიის სპეციალური ეკონომიკური ზონის განხორციელებადობის ეკონომიკური კვლევა, მოთხოვნის ანალიზი და კონცეპტუალური ქალაქგეგმარებითი დოკუმენტი.

„ანაკლია სითის“ მიერ გამოცხადებული მიმდინარე ტენდერები მოიცავს: 1. არქიტექტურული და საინჟინრო მომსახურება (ურბანული განვითარებისა და რეგულირების გეგმის და მშენებლობის ნებართვა). 2. ზღვიდან ამოღებული მასალის განთავსების ადგილის და ანაკლიის სპეციალური ეკონომიკური ზონის ტერიტორიის გარემოზე ზემოქმედების შეფასების ანგარიშის მომზადება.

ტენდერები ღიაა და მათთან დაკავშირებული ნებისმიერი ინფორმაციის მიღება შესაძლებელია პლატფორმაზე www.etenders.ge. ტენდერში მონაწილეობის მსურველები აღნიშნულ პლატფორმაზე უნდა დარეგისტრირდნენ“, - ნათქვამია კომპანიის ინფორმაციაში.

მათივე ცნობით, საქართველოს მთავრობასთან 2016 წლის 3 ოქტომბერს გაფორმებული საინვესტიციო ხელშეკრულების საფუძველზე, „ანაკლიის განვითარების კონსორციუმი“ ანაკლიაში ახორციელებს შავი ზღვის ღრმაწყლოვანი ნავსადგურის მშენებლობის პროექტს. ანაკლიის პორტის მიმდებარედ, იგეგმება სპეციალური ეკონომიკური ზონის განვითარება, რომელიც შეასრულებს მნიშვნელოვან როლს ანაკლიის, როგორც რეგიონული ეკონომიკური კვანძის განვითარებაში.

„ღრმაწყლოვანი პორტის ტერიტორიაზე, რომლის სამშენებლო ეტაპი 2017 წელს დაიწყო, ამჯერად მასშტაბური საზღვაო სამუშაოები მიმდინარეობს. პორტის ამოქმედება და პირველი გემის მიღება 2020 წელს იგეგმება. ანაკლიის ღრმაწყლოვანი პორტის საკონტეინერო ტერმინალის ოპერატორი ამერიკული კომპანია SSA Marine-ი იქნება.

ამავდროულად, ქალაქ ანაკლიისა და ეკონომიკური ზონის განვითარების ფარგლებში, „ანაკლია სითი“ განაგრძობს ადგილობრივი და საერთაშორისო პარტნიორების შემოკრებას და საერთაშორისო მასშტაბით როგორც ანაკლიის პროექტის, ასევე საქართველოს ეკონომიკური შესაძლებლობების წარმოჩენას“, - აცხადებენ კომპანიაში.

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია

8-9 ოქტომბერს ძლიერი წვიმა და ქარია, 10-ში კვლავ გამოიდარებს - უახლოესი დღეების ამინდის პროგნოზი