ღია კარის დღე, რომელსაც ხელოვნური ინტელექტი ჩაატარებს - ქართველი სტუდენტის მიერ შექმნილი უნიკალური პლათფორმა

ღია კარის დღე, რომელსაც ხელოვნური ინტელექტი ჩაატარებს - ქართველი სტუდენტის მიერ შექმნილი უნიკალური პლათფორმაა

"მომავალი 100 წლის მანძილზე, ადამიანების რაოდენობას ხელოვნური ინტელექტის მქონე კომპიუტერები გადააჭარბებენ", - ამბობდა ცნობილი ფიზიკოსი და კოსმოლოგი სტივენ ჰოკინგი.

ხელოვნური ინტელექტის შექმნა და განვითარება მსოფლიოს მოწინავე ქვეყნებში სწრაფი ტემპით მიმდინარეობს. საქართველოში კი ეს მიმართულება ჯერ ახლა იდგამს ფეხს. ბიზნესისა და ტექნოლოგიების უნივერსიტეტი ამ მიმართულებით ყველაზე გამორჩეულია. უნივერსიტეტში სტუდენტები აკადემიური პერსონალის მხარდაჭერით აქტიურად მუშაობენ ხელოვნური ინტელექტის შექმნასა და სასწავლო პროცესებში ჩართვაზე.

ღია კარის დღე, რომელსაც ხელოვნური ინტელექტი ჩაატარებს - ეს კი ის უპრეცედენტო ღონისძიებაა, რომელსაც ბიზნესისა და ტექნოლოგიების უნივერსიტეტში 13 ოქტომბერს გაიმართება. პლათფორმის შემქმნელი მეორეკურსელი გეგა თათულიშვილია. მისი განმარტებით, ღია კარის დღეს მთლიანად ხელოვნური ინტელექტი ჩაატარებს.

„ჩემ მიერ შექმნილი ხელოვნური ინტელექტი ქართულად საუბრობს. მას შეუძლია პრეზენტაციის ჩატარება, ინფორმაციის მიწოდება სტუდენტებისთვის და კითხვებზე პასუხის გაცემა. ამ ეტაპზე ის პრეზენტაციების ჩატარებაში უნივერსიტეტის ადმინისტრაციას ეხმარება. თუმცა ეს ყველაფერი არაა. უნივერსიტეტის მხარდაჭერით ვაგრძელებ მის განვითარებაზე მუშაობას,“ - განმარტავს გეგა თათულიშვილი.

როგორც გეგა აღნიშნავს, მას დიდი ხანია ხელოვნურ ინტელექტის შექმნის იდეა ჰქონდა და მის განხორციელებაში უნივერსიტეტი დაეხმარა. მუშაობის პროცესი საკმაოდ რთული იყო, თუმცა შედეგით კმაყოფილია და გაჩერებასაც არ აპირებს.

ღია კარის დღე, რომელსაც ხელოვნური ინტელექტი ჩაატარებს, 13 ოქტომბერს 12 საათზე გაიმართება.

ბიზნესისა და ტექნოლოგიების უნივერსიტეტისთვის კი ეს პირველი პროექტი არაა, რომელშიც ხელოვნური ინტელექტია ჩართული. Digital Mind ასევე BTU-ში შექმნილი ქართულენოვანი ხელოვნური ინტელექტია. ეს არის ციფრული მანქანა, რომელსაც შეუძლია სწავლება, კონსულტირება, პროცესების ადმინისტრირება და სხვა ტექნიკური საკითხების ადმინისტრირება.