ზუგდიდის რაიონში ავტოსაგზაო შემთხვევას 13 წლის მოზარდი ემსხვერპლა

ზუგდიდის რაიონის სოფელ ჭითაწყარში ავტომობილი 13 წლის მოზარდს დაეჯახა, რომელიც საავადმყოფოში მიყვანისას გარდაიცვალა. შემთხვევა იმ დროს მოხდა, როდესაც 13 წლის ბიჭი გზაზე გადადიოდა.

როგორც Ambebi.ge-ს შინაგან საქმეთა სამინისტროს პრესსამსახურში განუცხადეს, ფაქტზე გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც სატრანსპორტო მოძრაობისას წესების დარღვევას გულისხმობს, რამაც ადამიანების სიცოცხლის მოსპობა გამოიწვია. მათივე ინფორმაციით, მძღოლი ადგილიდან არ მიმალულა.