კალიფორნიელმა მოსწავლემ კლასელებს ბებიის ფერფლით მომზადებული ორცხობილები აჭამა
აშშ-ში პოლიცია იძიებს საქმეს, რომელიც ამერიკელ სკოლის მოსწავლეს ეხება. როგორც BBC წერს, გოგონამ თანაკლასელებს სავარაუდოდ, ბებიამისის ფერფლით მომზადებული ორცხობილები აჭამა.
კალიფორნიელმა სკოლის მოსწავლემ სასწავლებელში მის მიერ გამომცხვარი ორცხობილები მიიტანა და რამდენიმე თანაკლასელს აჭამა, თუმცა მათ არ იცოდნენ, რა შემადგენლობის იყო ნამცხვარი. მოზარდი მხოლოდ ორი კვირის შემდეგ გამოუტყდა თანაკლასელებს, რომ ორცხობილაში მისი გარდაცვლილი ბებიის ფერფლი იყო გარეული.
სავარაუდოდ ნამცხვარი ათამდე მოზარდმა ჭამა. და ვინჩის სკოლის ადმინისტრაცია ინციდენტთან დაკავშირებით ოფიციალურ კომენტარს არ აკეთებს. მშობლებისთვის გაგზავნილ წერილში, სკოლის დირექტორი წერს, რომ მოსწავლეების ჯანმრთელობას ინციდენტის შედეგად საფრთხე არ შექმნია.
პოლიცია საქმეს უცნაურს უწოდებს. პოლიციის ლეიტენანტის თქმით, გამოძიება ჯერ კიდევ მიმდინარეობს და არც ისაა ცნობილი, როგორ და რა მუხლით დაისჯება დამნაშავე.
"პერსევერანსის" 100 დღე მარსზე და შთამბეჭდავი ფოტოები "წითელი პლანეტიდან" - რა ინფორმაცია გამოგზავნა მარსმავალმა დედამიწაზე
უჩვეულო სანახაობა სოფელ დერცელში - ადგილობრივებმა ძროხების სილამაზის კონკურსი გამართეს
