ავტორი:

სტუმრად ლაშა ღლონტთან - დაათვალიერეთ მომღერლის საოცნებო ბინის ფოტოები

სტუმრად ლაშა ღლონტთან - დაათვალიერეთ მომღერლის საოცნებო ბინის ფოტოები

„მოგეხსენებათ, ბათუმში დავიბადე, სკოლა იქ დავამთავრე, თბილისში რომ გადმოვედი, ბიძაჩემთნ ვცხოვრობდი, ვაკეში, მრგვალ ბაღთან. ცოლი რომ მოვიყვანე, დაახლოებით 13 წელი ვაჟა-ფშაველას ტერიტორიაზე ნაქირავებში ვცხოვრობდით. მერე, როცა ბინის ყიდვა გადავწყვიტეთ, ისევ ამ უბანზე შევაჩერეთ არჩევანი. მართალია, მთელი სტუდენტობა პლეხანოვზე გავატარე და იქაურობა ძალიან მიყვარს, მაგრამ მაინც საბურთალო ვარჩიე, ზაფხულში პლეხანოვი მეტად ცხელია“, - ამბობს ლაშა ღლონტი.

სახლში, სადაც ლაშამ მიგვიღო, ამჟამად მხოლოდ მომღერალი და მისი მეუღლე თეა ახალაძე ცხოვრობენ, მათ ქალიშვილს, ანის უკვე თავისი ოჯახი აქვს. ბინაში შესვლისთანავე დიასახლისისთვის მნიშვნელოვანი სისადავე და კომფორტი იგრძნობა.

- მე თუ რამეს ვაკეთებ, ვცდილობ, ყველაფერი ხარისხიანი იყოს, რემონტიც ამ მიდგომით გავაკეთეთ. დაახლოებით 5 წელიწადი გრძელდებოდა ეს პროცესი, გამოვცვალეთ ყველაფერი, დაწყებული გაყვანილობიდან - იატაკის აყრით და კედლების ხელახლა გალესვით გაგრძელებული, შეიძლება ითქვას, რომ თავიდან ავაშენე ყველაფერი. მე რომ ეს თანხა დავაჯამო, ალბათ ახალი სახლის ყიდვასაც შევძლებდი. ფინანსთა მინისტრი მე ვიყავი და ვარ, გემოვნება კი - ჩემი მეუღლისაა. საოჯახო ამბებში რაც უნდა ეკამათო ცოლს, მართალი მაინც ის გამოდის, ამიტომ აზრი არ აქვს (იღიმის). ამასთან დაკავშირებით ერთი ამბავი გამახსენდა: კოტე მახარაძე და სოფიკო ჭიაურელი რემონტზე კამათობდნენ. კოტეს უთქვამს, სამზარეულო ყვითლად უნდა შევღებოო. სოფიკომ უპასუხა, ყვითლად რატომ უნდა შეღებო, გემოვნება არ გაქვსო? მე არ მაქვს გემოვნება, თუ შენ? ჩემი ცოლი სოფიკო ჭიაურელია, შენი ქმარი კიდევ კოტე მახარაძეო, - უპასუხია კოტეს (იცინის).

საერთოდ, ვფიქრობ, რომ ოჯახში ქალი ძალიან მნიშვნელოვანი ფიგურაა, ოჯახი მაინც ქალისაა. მამაკაცი საგარეო საქმეთა მინისტრი და შემომტანი უნდა იყოს, ქალბატონმა ოჯახს უნდა მიხედოს, ოღონდ ამას „აზიატურად“ არ ვამბობ. ოჯახის უფროსობა ჩემთვის მთავარი და მნიშვნელოვანი არაა, მე დემოკრატიული ოჯახის მომხრე ვარ. მეუღლე იმიტომ ჰქვია, რომ ჩვენ ერთად ვეწევით ჭაპანს, სინქრონულად ვმოქმედებთ, ძალიან კარგად გვესმის ჩვენ-ჩვენი ფუნქცია და საერთო საქმეს ვემსახურებით. ურთიერთობების გარეშე არაფერია სიცოცხლე, წლები რომ გავა და გადმოხედავ ცხოვრებას, მხოლოდ ეს გაგახსენდება. გაგრძელება+ფოტოები

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია

8-9 ოქტომბერს ძლიერი წვიმა და ქარია, 10-ში კვლავ გამოიდარებს - უახლოესი დღეების ამინდის პროგნოზი