"ნებიერიძემ ბავშვის მკვლელობამდე ვიდეოები გადაიღო, ამ კადრების ნახვა მინდა“ - გორში მოკლული გოგონას პაპა

გორში მოკლული 8 წლის გოგონას, ნანა ბერიაშვილის პაპა ამბობს, რომ მკვლელობამდე იაგო ნებიერიძემ ბავშვს ვიდეოები გადაუღო. ნანა ბერიაშვილის მამა, მიხეილ ბერიაშვილი და პაპა, ხვიჩა ბერიაშვილი შს სამინისტროს შიდა ქართლის პოლიციის დეპარტამენტის შენობაში დაკითხვაზე იმყოფებიან. მათთან ერთად არის ოჯახის ადვოკატი, გიორგი გელხაური.

ხვიჩა ბერიაშვილის თქმით, ოჯახს ვიდეოკადრებთან დაკავშირებით აქვს კითხვები.

„მე აუცილებლად მინდა გამომძიებელთან შეხვედრა. გვაქვს ინფორმაცია, რომ როდესაც ნებიერიძემ ჩემი ძმის შვილიშვილი მოიტაცა, მკვლელობამდე გარკვეული ვიდეოები გადაიღო. სწორედ ამ კადრების ნახვა მინდა. მანამდე აქედან არ წავალ“, - განაცხადა ხვიჩა ბერიაშვილმა.