გურჯაანის რაიონში ავტომობილი ქვეითს დაეჯახა, რომელიც ადგილზე გარდაიცვალა

გურჯაანის მუნიციპალიტეტში ავარიას შუახნის ქალი ემსხვერპლა. შემთხვევა სოფელ გურჯაანში მოხდა. ქალს მსუბუქი ავტომანქანა იმ დროს დაეჯახა, როდესაც ის გზაზე გადასვლას ცდილობდა. შედეგად ქვეითად მოსიარულე ადგილზე გარდაიცვალა.

ამ დროისთვის შემთხვევის ადგილზე სამართალდამცველები მუშაობენ. შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 276-ე მუხლის მეხუთე ნაწილით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს,რამაც სიცოცხლის მოსპობა გამოიწვია.