ავტორი:

გიორგი უშიკიშვილი და დავით იმედაშვილი პოლიტიკაში მიდიან - თაკო ჩარკვიანმა ახალი პარტიის შექმნა დააანონსა

გიორგი უშიკიშვილი და დავით იმედაშვილი პოლიტიკაში მიდიან - თაკო ჩარკვიანმა ახალი პარტიის შექმნა დააანონსა

პუბლიცისტ თაკო ჩარკვიანის მიერ დაანონსებული ახალი პარტიის რამდენიმე წევრი კულტურის სფეროს წარმომადგენელი იქნება. როგორც "ინტერპრესნიუსისთვის" გახდა ცნობილი, ახალი პარტიის - "კანონი და სამართალი" წევრები იქნებიან ფოლკლორისტი გიორგი უშიკიშვილი და რეჟისორი დავით იმედაშვილი.

არჩევნების შემდეგ, გამოჩნდება ახალი პარტია, რომელიც უკვე გაკეთებულია და ჰქვია კოალიცია -„კანონი და სამართალი“, - ამის შესახებ პუბლიცისტმა თაკო ჩარკვიანმა „პალიტრანიუსს“ განუცხადა. მისი თქმით, მხოლოდ კარგს ხედავს ექსპერტ გია ხუხაშვილის იდეაში, მესამე პოლიტიკური ძალის შექმნის შესახებ.

„ეს მისი სურვილია და ძალიან კარგი თუ ამაზე საუბრობს. ყველას აქვს ამის უფლება და მხოლოდ კარგს ვხედავ. მე უბრალოდ იმაზე ვისაუბრებ, ჩვენ რას ვაკეთებთ. არჩევნებამდე საჭიროდ არ ჩავთვალე ამაზე ლაპარაკი, რადგან არ მინდოდა გრიგოლ ვაშაძეს არჩევნებში ხელი შეშლოდა. ახლა ჩვენ ყველა გაერთიანებულ ოპოზიციას ვაძლევთ ხმას, ხოლო არჩევნების შემდეგ, ახალი პარტია, რომელიც უკვე გაკეთებულია და მას ჰქვია კოალიცია - „კანონი და სამართალი“, გამოჩნდება“, - განაცხადა ჩარკვიანმა.

მისი თქმით, მესამე პოლიტიკური ძალის იდეა საპრეზიდენტო არჩევნების მეორე ტურისთვის არარეალურია, ხოლო საპარლამენტო არჩევნებისთვის ამის განხორციელება შესაძლებელია.

„ახლა მეორე ტურია. დღეს ჩვენ ქვეყანას ვკარგავთ იმ განცხადებების ფონზე, რომელსაც ხელისუფლების კანდიდატი აკეთებს. შეიძლება ვიღაცა არ გიჟდებოდა ვაშაძეზე, ასეთებიც არიან და ვიცი, რომ ისინი ხმას აძლევენ გაერთიანებულ ოპოზიციას, რადგან მათთვის წყალგამყოფი აღმოჩნდა მეჩითოვის და ზურაბიშვილის გვერდით დგომა“, - განაცხადა ჩარკვიანმა.

იხილეთ ვიდეო: გიორგი უშიკიშვილი და დავით იმედაშვილი პლიტიკაში მოდიან - რატომ არ დაანონსა თაკო ჩარკვიანმა ახალი პარტია არჩევნებამდე?

LIVE: დღის მნიშვნელოვანი ამბები "საღამოს ნიუსრუმიდან"

"მიღწევებს ვერც ერთი მთავრობა მთლიანად ვერ მიიწერს,  ეს მიღწევები საზოგადოების დამსახურებაა", - სალომე ზურაბიშვილი

LIVE: დღის მნიშვნელოვანი ამბები "საღამოს ნიუსრუმში"