რა ქონებას ფლობს საპენსიო სააგენტოს დირექტორი

საპენსიო სააგენტოს დირექტორად ლევან სურგულაძე სექტემბერში დაინიშნა, მანამდე სურგულაძე საქართველოს რკინიგზაში სამეთვალყურეო საბჭოს წევრი იყო, სადაც 2017 წელს ხელფასის სახით 62 400 ლარი აიღო. 14 ნოემბერს შევსებული ქონებრივი დეკლარაციის მიხედვით, ლევან სურგულაძე თბილისში 30 და 57 კვადრატული მეტრი ფართობის საცხოვრებელ სახლებს ფლობს.

მის საკუთრებაშია ასევე 2000 კვადრატული მეტრის მიწის ნაკვეთი თბილისში. გარდა ამისა, სურამში მის მფლობელობაშია 963 კვადრატული მეტრის მიწის ფართობი, სადაც 500 კვადრატული მეტრის ფართობის სახლია განთავსებული.

სურგულაძის საკუთრებაშია ასევე მსუბუქი ავტომობილი Land Rover-ის 2011 წლის გამოშვება. რაც შეეხება მის ფინანსურ მდგომარეობას, დეკლარაციის შევსების მომენტში სხვადასხვა საბანკო ანგარიშზე 7 813 ლარი, 30 019 დოლარი და 1000 ევრო ჰქონდა.

ცნობისათვის, საპენსიო სააგენტოს დირექტორის თანამდებობაზე ფინანსთა სამინსიტრომ ვაკანსია მიმდინარე წლის აგვისტოში გამოაცხადა, სადაც სულ 70 განაცხადი შევიდა. ვაკანსიის თანახმად, საპენსიო სააგენტოს დირექტორის თანამდებობრივი სარგო - 10 000-დან 15 000 ლარამდე იყო განსაზღვრული. ნახეთ სრულად