ავტორი:

"რატომღაც მეგონა, რომ ვიღაც ისროდა..." - რას იხსენებს ედუარდ შევარდნაძის შვილიშვილი ექსპრეზიდენტის ორი ინაუგურაციის შესახებ

"რატომღაც მეგონა, რომ ვიღაც ისროდა..." - რას იხსენებს ედუარდ შევარდნაძის შვილიშვილი ექსპრეზიდენტის ორი ინაუგურაციის შესახებ

საქართველოს ყოფილი პრეზიდენტის, ედუარდ შევარდნაძის შვილიშვილი ლაშა შევარდნაძე, "ფეისბუქის" პირად გვერდზე 16 დეკემბრის ინაუგურაციასთან დაკავშირებით ბაბუის ინაუგურაციებს იხსენებს და ყვება იმ განცდების შესახებ, რომელიც 1995 და 2000 წელს ჰქონდა:

"ზეგ საქართველოს მეხუთე პრეზიდენტის ინაუგურაცია გაიმართება. უცბად გამახსენდა ჩემი განცდები ბაბუაჩემის 1995 წლის ინაუგურაციასთან დაკავშირებით. როგორც გახსოვთ ოქტომბერში გაიმართა, თუმცა მანამდე, აგვისტოში მოხდა ტერაქტი - სახელმწიფოს მეთაურს თავს დაესხნენ და ააფეთქეს მისი მანქანა. ამის გამო საკმაოდ დაძაბული იყო სიტუაცია.

ცხადია, ოჯახში იყო ამ თემაზე საუბარი. მე სულ ათი წლის ვიყავი და ემოციას ვერ გამოვხატავდი, იმის მიუხედავად, რომ ვნერვიულობდი. მახსოვს ინაუგურაციის დროს, ბაბუს სიტყვით გამოსვლისას იქვე მდგარი თეთრპლაშჩიანი და შავსათვალიანი ახალგაზრდა დაცვის ბიჭი (თეთრი პლაშჩი მაშინ მოდაში იყო) პერიოდულად ფეხის თითებზე იწეოდა და წინ მდგარ ბევრ ხალხს ასე გადახედავდა ხოლმე. მისი ყოველი ასეთი გადახედვა მძაბავდა და გულს მიჩქარებდა. რატომღაც მეგონა, რომ ვიღაც ისროდა...

დაცვის ბიჭი აიწეოდა - ამიჩქარდებოდა გული, დაიწეოდა - დავმშვიდდებოდი, კიდევ აიწეოდა - ამიჩქარდებოდა გული, დაიწეოდა - დავმშვიდდებოდი... ერთი სული მქონდა დროულად დამთავრებულიყო. 2000 წლის ინაუგურაციაზე დაცვის ბიჭს აღარ ეცვა თეთრი პლაშჩი, აღარც ფეხის თითებზე იწეოდა და ბუნებრივია, აღარც მე ვღელავდი..." - წერს ლაშა შევარდნაძე და ედუარდ შევარდნაძის ორი ინაუგურაციის ფოტოს ავრცელებს, რომელზეც პრეზიდენტი და მისი ოჯახია ასახული.

ფოტოზე: 2000 წლის და 1995 წლის ინაუგურაციები

მცხეთაში ჩხუბის და შაქარაშვილის გაუჩინარების შემდეგ, წვეულება თემქაზე გაგრძელდა - რა ფოტოებს ავრცელებს ვახო სანაია ფოტოგრაფ იაკობ ბრეგვაძის აპარატიდან

"დაბადების დღე ოჯახურად აღვნიშნე, დღის მიწურულს საევაკუაციო სირენის ხმა მოგვესმა..." - ოთო კახიძე იუბილეზე მომხდარ ხანძარზე

"19 წლის შვილები ისე სცემა, დაალურჯა, წყლის დაგვიანებით მიწვდის გამო" - რას წერს მარიამ კუკუნაშვილი მოძალადე ბიძაშვილზე, რომელიც საკრებულოს წევრია