მიშელ ობამა დემნა გვასალიას ჩექმითა და კაბით გამოჩნდა

მიშელ ობამა გადაცემაში სერიალის „სექსი დიდ ქალაქში“ ვარსკვლავთან, სარა ჯესიკა პარკერთან საკუთარ წიგნზე სასაუბროდ მივიდა. „დეილი მეილის“ ინფორმაციით, აშშ-ს ყოფილ პირველ ლედის „ბალენსიაგას“ 4 ათას დოლარად ღირებული ჩექმა და ყვითელი კაბა ეცვა.

კაბა „ბალენსიაგას“ 2019 წლის გაზაფხული - ზაფხულის კოლექციიდან არის, მოდის სახლის კრეატიული დირექტორი კი ქართველი დიზაინერი, დემნა გვასალიაა.

ბრჭყვიალა ჩექმამ სოციალური ქსელების ყურადღება მიიპყრო, თუმცა „ტვიტერის“ მომხმარებლების უმეტესობა ობამას ჩაცმულობას მხოლოდ დადებითად აფასებს.

აშშ-ს პირველი ლედის წიგნის გაყიდვების მაჩვენებელი ძალიან მაღალია, აშშ-სა და კანადაში პირველივე დღეს Becoming-ის 725,000 ასლი გაიყიდა და შემდეგი ორი კვირის განმავლობაში, გაყიდვების თვალსაზრისით, წლის წიგნი გახდა.

ნახეთ ვიდეო : მიშელ ობამა დემნა გვასალიას ჩექმასა და ყვითელ კაბაში "გამობრწყინდა" და სოციალური ქსელების მომხმარებლებს კიდევ უფრო შეაყვარა თავი