ბაკურიანში საცობია: "ერთ რჩევას მოგცემთ... არ წახვიდეთ"

ბაკურიანში დამსვენებლების სიმრავლის გამო სამანქანო მოძრაობა შეფერხებულია. "ფეისბუქზე" წერენ, რომ საცობში რამდენიმე საათის განმავლობაში უწევთ დგომა.

"თოვლი არის მაგრამ რად გინდა. 11-ზე სახლიდან გასული 1-ზე ავედი ველზე, იქ საბაგირო გათიშული დამხვდა და მერე 2 საათი მოვდიოდი ველოდან კოხტამდე. სანამ მოვედი, კი გახდა 5 საათი," - წერს გიო გამყრელიძე.

"რა ამბავია ამდენი ხალხი არცერთ წელს არ მახსოვს ბაკურიანში, დეკემბრის ბოლოს მივდივარ და თითქმის მთელი იანვარი იქ ვარ ხოლმე და ასეთი არაფერი მინახავს," - ნინი ასპანიძე.

"დიდველის გზიდან მოვდივარ ზუსტად 3,5 საათია და ეხლა 25-იანებთან ვდგავარ. ცენტრალური გზაა გადაკეტილი, "გაცალმხრივებული" და თბილისისკენ მომავლებს გვაიძულებენ 25-იანების გზაზე გავიაროთ. საშინელება ხდება. 2 კილომეტრიც არ გვაქვს გავლილი სამსაათნახევარში. P.S. თოვლი არის, მაგრამ დღეს ქარის გამო დაკეტილი იყო დიდველი," - Lne Nene.

"მთავარი პრობლემა არის ზაფხულის საბურავებით მიმავალი ხალხი. იი, "ჯიპი მყავს და რათ მინდა საბურავები" ხალხი დარჩით სახლში ან დააყენეთ ზამთრის საბურავი! რამდენიმე გადავარდა, გაიჭედა და კიდევ უფრო კეტავს მოძრაობას," - ნიკა თოფურია.

"ზუსტად სამი საათია საცობში ვარ, ვერ გამოვდივართ ბაკურიანიდან," - გომარელი ნინა.