ავტორი:

რუსეთში "კანონიერი ქურდის" დაკრძალვაზე კუბო პოლიციელებს მიჰქონდათ

რუსეთში "კანონიერი ქურდის" დაკრძალვაზე კუბო პოლიციელებს მიჰქონდათ

რუსეთში, ხაბაროვსკის ოლქში „კანონიერი ქურდის“ დაკრძალვას სკანდალი მოჰყვა. Topnews.ru წერს, რომ სოციალურ ქსელებში გავრცელდა ვიდეო, რომელიც ამურსკში ადგილობრივი „ავტორიტეტის“, იური ზარუბინის, მეტსახელად ზარუბას დაკრძალვას ასახავს. სპეციალურად პროცესიისთვის ქუჩებზე მოძრაობა გადაკეტეს, რამაც საცობი გამოიწვია. ადგილობრივი მცხოვრებლები კი ამბობენ, რომ კუბო პროკურატურისა და პოლიციის თანამშრომლებს მიჰქონდათ.

ინფორმაციასთან დაკავშირებით რეგიონის შს განყოფილებამ მოკვლევა დაიწყო.

ნახეთ ვიდეო : რუსეთში "კანონიერ ქურდის" დაკრძალვისთვის ქუჩები გადაკეტეს, კუბო კი პოლიციას მიჰქონდა - ამ კადრებმა სკანდალი გამოიწვია

ვიდეო სოციალურ ქსელში 8 იანვარს გამოჩნდა. კადრები, როგორც ჩანს, მაღალსართულიანი საცხოვრებელი სახლიდან არის გადაღებული. ვიდეოში გრძელი პროცესია ჩანს, რომელშიც ასობით ადამიანი მონაწილეობს.

არაოფიციალური ინფორმაციით, სამგლოვიარო პროცესიაში ქალაქის პროკურორი და შსს-ს ამურსკის რაიონის განყოფილების ხელმძღვანელი მონაწილეობდნენ.