ავტორი:

აქამდე უცნობი მონაცემები მეორე მსოფლიო ომში დაღუპულ ქართველებზე, რომლებიც გერმანიაში არიან დაკრძალულნი

აქამდე უცნობი მონაცემები მეორე მსოფლიო ომში დაღუპულ ქართველებზე, რომლებიც გერმანიაში არიან დაკრძალულნი

AMBEBI.GE მეორე მსოფლიო ომში უგზო-უკვლოდ დაკარგული მეომრების გვარ-სახელების მოძიებას აგრძელებს. ამჯერად, მკითხველს ვთავაზობთ გერმანიის ორი ქალაქიდან - ცაითჰანიდან და ზონთჰოფენიდან მონაცემებს, რომელსაც ჩვენი რესპონდენტი, გერმანიაში მცხოვრები ქართველი მეგი სტემპენი გვაწვდის. მისი თქმით, ზონთჰოფენში, ქართველი მეომრები გერმანელების გვერდით არიან დაკრძალულნი, რაც შესაძლოა იმას ნიშნავდეს, რომ ისინი ლეგიონერები იყვნენ.

სერგო (სერგეი) პელტაძე - დაბადებული 1906 წელს, ხაშურში. მეუღლე პელტაძე თამარა. ბანაკის ნომერი 16659, წოდება - რიგითი. გარდაიცვალა 1941 წლის 2 დეკემბერს, დიზენტერიით. დაკრძალულია გერმანიაში, ცაითჰაინის საერთო სასაფლაოზე.

მირონ ლიკვაძე - დაბადებული 1911 წელს. დაბადების ადგილი ეწერი, პროფესია - მეწაღე. ბანაკის ნომერი 202953, წოდება - რიგითი. გარდაიცვალა 1943 წლის 17 სექტემბერს. დაკრძალულია გერმანიაში, ცაითჰაინის საერთო სასაფლაოზე.

ვლადიმერ ილიას ძე კაკულია - დაბადებული 1919 წელს, აბაშის რაიონის სოფელი პირველი ონტოფო; დაბადებული 1942 წლის 27 მაისს, ტყვედ ჩავარდა როსტოვში, ბანაკი - 50246, გარდაიცვალა - 1943 წლის 27 სექტემბერს. დაკრძალულია გერმანიაში, ცაითჰაინის საერთო სასაფლაოზე.

გიორგი ალხამაშვილი - დაბადებული 1909 წელს, სიღნაღის რაიონის სოფელ ანაგაში. მეუღლე - მარია ალხამაშვილი. ბანაკის ნომერი 204238, წოდება - რიგითი; გარდაიცვალა - 1944 წლის პირველ მარტს, ტუბერკულოზის დიაგნოზით. დაკრძალულია გერმანიაში, ცაითჰაინის საერთო სასაფლაოზე.

იოსებ დავითის ძე გუგულაშვილი - დაბადებული 1905 წლის 10 აგვისტოს სიღნაღის რაიონის სოფელ ანაგაში. ბანაკის ნომერი 25274. წოდება - რიგითი; გარდაიცვალა 1943 წლის 3 მაისს ტუბერკულოზით. დაკრძალულია ცაითჰაინის სასაფლაოზე.

ნიკოლოზ ხაჭაპურიძე - დაბადებული 1922 წლის 26 აგვისტოს წყალტუბოს რაიონის სოფელ ჩუნეში. ბანაკის ნომერი 13099. წოდება - რიგითი. გარდაიცვალა 1944 წლის 15 მარტს, დაკრძალულია ცაითჰაინის სასაფლაოზე.

შალიკო გელაშვილი - დაბადებული 1916 წლის 5 აგვისტოს, ლაგოდეხის რაიონის სოფელ ბოლოკიანში. მეუღლე - ანა კუპატაძე. ბანაკის ნომერი - 204264; გარდაიცვალა 1943 წლის 28 სექტემბერს. დაკრძალულია ცაითჰანის საერთო სასაფლაოზე.

ირაკლი ნიკოლოზის ძე ფირცხალავა - დაბადებული 1912 წელს მარტვილის რაიონში. ტყვედ ჩავარდა 1941 წლის 28 ივლისს. ბანაკის ნომერი - 26593; წოდება - რიგითი. დაკრძალულია ცაითჰანის საერთო სასაფლაოზე.

მკითხველს ასევე ვთავაზობთ ზონთჰოფენიდან გადმოგზავნილ ფოტომასალას, რომელზეც იქ დაკრძალული ქართველი მეომრები, სავარაუდოდ, ლეგიონერები, გერმანელების გვერდით არიან დაკრძალული. უფრო ზუსტი ინფორმაცია, თუ როგორ მოხვდნენ ქართველები იქ, ჯერჯერობით არ არსებობს... ზონთჰოფენის სასაფლაოზე 1600-მდე საფლავია მეორე მსოფლიო ომიდან...

პავლე ნინეს ძე ბექაური - დაბადებული 1918 წლის 10 ნოემბერს, დუშეთის რაიონში. გარდაიცვალა 1945 წლის 30 ივნისს. დაკრძალულია გერმანიის ქალაქ ზონთჰოფენში.

გრიგორი (გრიშა) მაღლაკელიძე - დაბადებული 1013 წლის 6 აპრილს, გარდაიცვალა - 1944 წლის 21 თებერვალს. დაკრძალულია ზონთჰოფენში.

დავით კეკუჩაძე - დაბადებული 1907 წლის 27 აგვისტოს. გარდაიცვალა 1945 წლის 8 ივლისს. დაკრძალულია ზონთჰოფენში.

სტეფანე ფარსაგიშვილი - დაბადებული 1919 წლის 1 იანვარს, ქვემო ანდაკში. გარდაიცვალა 1942 წლის 13 მაისს, დაკრძალულია ზონთჰოფენში.

კონსტანტინე სამონიძე - დაბადებული 1912 წლის 30 აგვისტოს; გარდაიცვალა - 1942 წლის 12 სექტემბერს. დაკრძალულია ზონთჰოფენში.

არსენ სხირტლაძე - დაბადებული 1913 წლის 4 მარტს. გარდაიცვალა - 1942 წლის 9 აგვისტოს. დაკრძალულია ზონთჰოფენში.