საზარელი კადრები - კაშხლის გარღვევის შედეგად ბრაზილიაში 115 ადამიანი დაიღუპა

ბრაზილიაში კაშხლის გარღვევის შედეგად დაღუპულთა რიცხვი 115-მდე გაიზარდა. უგზო-უკვლოდ დაკარგულად ითვლება 248 ადამიანი. ამის შესახებ მინას-ჟერაის შტატის საგანგებო სიტუაციების მართვის სამსახურის განცხადებაშია ნათქვამი.

შეგახსენებთ, რომ აქამდე საუბარი იყო 110 დაღუპულზე. სამაშველო სამსახურების ინფორმაციით, შემთხვევიდან მერვე დღეს გადარჩენილების პოვნის შანსი მინიმალურია.

იხილეთ ვიდეო: ტრაგედიის პირველი წუთები სათვალთვალო კამერის კადრებში: ვიდეოში ჩანს, როგორ ტბორავს წყლის და ქვიშის მასა ყველაფერს, კაშხლის ჩამონგრევის შემდეგ ბრაზილიაში

მინას-ჟერაის შტატში კაშხალი 25 იანვარს გაირღვა.

ამასთან, რამდენიმე ტელევიზიამ ვიდეოკადრები გაავრცელა, სადაც დაფიქსირებულია კაშხლის გარღვევის პროცესი.