ავტორი:

მასწავლებლების სერტიფიცირების ახალი მოდელი შემოვა, შესაფასებლად დაწესებული კრედიტქულები კი გაუქმდება

მასწავლებლების სერტიფიცირების ახალი მოდელი შემოვა, შესაფასებლად დაწესებული კრედიტქულები კი გაუქმდება

განათლებისა და მეცნიერების სამინისტროს ინფორმაციით, შემუშავდება და დამტკიცდება მასწავლებელთა სერტიფიცირების ახალი მოდელი და სახელფასო პოლიტიკა.

უწყების განმარტებით, აღნიშნული მოდელი უახლოეს მომავალში დამტკიცდება.

ამასთან, მასწავლებლებისთვის გაუქმდება კრედიტქულები და პედაგოგები გათავისუფლდებიან თვითშეფასების ვალდებულებისაგან. უწყების ინფორმაციით, გამარტივდება და დაჩქარდება პროფესიაში კადრების შესვლის გზები. ასევე, განათლების სისტემის რეფორმის ფარგლებში 2021-2023 წლებისათვის სასკოლო მზაობის პროგრამა უზრუნველყოფილი იქნება საქართველოს ყველა აღსაზრდელისთვის.

როგორც განათლების, მეცნიერების, კულტურისა და სპორტის მინისტრმა მიხეილ ბატიაშვილმა განათლების სისტემის კომპლექსური რეფორმის პრეზენტაციაზე განაცხადა, 2019-2020 წლებში მასწავლებლებისთვის გაუქმდება თვითშეფასებისა და პორტფოლიოს ატვირთვის ვალდებულება. ამასთან, მასწავლებლის სტატუსის მოსაპოვებლად შემოღებული იქნება სტატუსის შესაბამისი საკვალიფიკაციო გამოცდა. რეფორმის ფარგლებში მასწავლებლები შეფასდებიან კომპლექსურად - საგაკვეთილო პროცესზე დაკვირვებისა და გამოცდის გზით.

გარდა ამისა, განათლების, მეცნიერების, კულტურისა და სპორტის სამინისტროს განცხადებით, დაინერგება ახალი სასწავლო პროგრამები და რესურსები, რომლებიც ინკლუზიური და სამოქალაქო განათლების პრინციპებს დაეფუძნება.

შეგახსენებთ, რომ რეფორმის ფარგლებში სასწავლო წელს 2018-2019 სასწავლო წელს მე-11 და მე-12 კლასელთათვის მოიხსნა გამოსაშვები გამოცდები. ასევე, 2020 წლიდან მისაღები გამოცდები სამ სავალდებულო საგანში ჩატარდება: ქართულსა და უცხო ენაში. მესამე კი უმაღლესი სასწავლებლების პროგრამების მიხედვით განისაზღვრება: მათემატიკა - ტექნიკური, ხოლო ისტორია - ჰუმანიტარული მიმართულების შემთხვევაში.

"ბავშვის დედა კართან მუხლებზე მდგომი დამხვდა, სიტყვებს თავს ვერ უყრიდა" - სცენიდან ომში და ომიდან სამაშველო სამსახურში წასული ბიჭის ამბავი

"ბავშვის ოპერაცია 300 000 ევრო ჯდება და სანამ თანხას არ გადავურიცხავთ, არაფერს უკეთებენ" - პატარა ანიტას დახმარება სჭირდება

"ვაჟა გაფრინდაშვილი მონაწილეობდა 2008 წლის აგვისტოს მოვლენებში, როგორც ექიმი" - ე.წ.სამხრეთ ოსეთის დე ფაქტო КГБ