სალომე ზურაბიშვილი სტუმრად ბრიჯიტ მაკრონთან - პრეზიდენტი ფოტოებს ავრცელებს

საქართველოს პრეზიდენტი სალომე ზურაბიშვილი საფრანგეთის პირველ ლედის, ბრიჯიტ მაკრონს ელისეს სასახლეში შვილებთან ერთად ესტუმრა. შეხვედრის ამსახველი ფოტომასალა სალომე ზურაბიშვილის „ფეისბუქის“ გვერდზე გავრცელდა.

სალომე ზურაბიშვილი საფრანგეთში ოფიციალური ვიზიტით იმყოფება და უმაღლესი დონის შეხვედრებს მართავს. საქართველოს პრეზიდენტის დელეგაციის შემადგენლობაში შედიან: საქართველოს საგარეო საქმეთა მინისტრი დავით ზალკალიანი, საქართველოს საქმეთა დროებითი რწმუნებული საფრანგეთის რესპუბლიკაში თეონა გიუაშვილი, საქართველოს პრეზიდენტის ადმინისტრაციის უფროსის პირველი მოადგილე ნათია სულავა.