"არავის გარიცხვის საკითხი არ განხილულა" - ნუკრი ქანთარიას კომენტარი "ქართულ ოცნებაში" გამართული შეხვედრის შემდეგ

არავის გარიცხვის საკითხი არ განხილულა, ვიმსჯელეთ სხვა მნიშვნელოვან საკითხზე, -ამის შესახებ "ქართული ოცნების" დეპუტატმა ნუკრი ქანთარიამ პარტიის ოფისში გამართული შეხვედრის შემდეგ ჟურნალისტებს განუცხადა.

არაოფიციალური ინფორმაციით, პარტია „ქართული ოცნება - დემოკრატიული საქართველოდან“ რამდენიმე წევრი გარიცხეს. აღნიშნული ინფორმაცია "ინტერპრესნიუსს" არაოფიციალურად მიაწოდეს.

არსებული ცნობით, გარიცხულებს შორისაა დეპუტატი ოთარ ჩრდილელი. დაუზუსტებელი ცნობით, ჩრდილელის გარდა, გარიცხულებს შორისაა კიდევ რამდენიმე დეპუტატი, რომელმაც მოსამართლეთა უვადოდ დანიშვნის შეჩერების თაობაზე ბესელიასა და მისი თანამოაზრეების მიერ მომზადებულ კანონპროექტს კენჭისყრაზე მხარი დაუჭირა.

VIDEO: "ქართული ოცნებიდან" არავინ გაურიცხავთ" - ნუკრი ქანთარია