ავტორი:

"მისი ფეხმძიმე მეუღლე საავადმყოფოში კონსულტაციაზე იყო, როდესაც მამუკა შეიყვანეს" - ოზურგეთში ავარიას 25 წლის ბიჭი ემსხვერპლა

"მისი ფეხმძიმე მეუღლე საავადმყოფოში კონსულტაციაზე იყო, როდესაც მამუკა შეიყვანეს" - ოზურგეთში ავარიას 25 წლის ბიჭი ემსხვერპლა

ოზურგეთში მომხდარ ავტოსაგზაო შემთხვევას ახალგაზრდა მამაკაცის სიცოცხლე ემსხვერპლა. მოტოციკლისა და ავტომობილის შეჯახების შედეგად მოტოციკლის მძღოლი მ.ნ. კლინიკაში მიყვანამდე გარდაიცვალა.

როგორც კლინიკა "მედალფას" დირექტორმა დავით მდინარაძემ Ambebi.ge-ს განუცხადა, მას სიცოცხლესთან შეუთავსებელი დაზიანებები აღენიშნებოდა. საქმეზე გამოძიება სისხლის სამართლის კოდექსის 276 - ე მუხლით მიმდინარეობს.

Ambebi.ge-ს ინფორმაციით, გარდაცვლილი 25 წლის მამუკა ნაცვალაძეა. იგი კომპანია "სოკარის", ოზურგეთის ფილიალში მუშაობდა. ნაცვალაძე რამდენიმე თვის წინ დაოჯახდა. ის და მისი მეუღლე პირველ შვილს ელოდებოდნენ.

"შუადღით შესვენებაზე გავიდა და ქუჩაში მსუბუქი ავტომობილი დაეჯახა. სავარადუდოდ, ავტომობილის საჭესთან ქალბატონი იჯდა. მამუკას ახალგაზრდა, ფეხმძიმე მეუღლე დარჩა. როდესაც საავადმყოფოში მიიყვანეს მისი ფეხძიმე მეუღლე ექიმთან კონსულტაციაზე იმყოფებოდა და მისი ქმარი გარდაცვლილი იქ ნახა, მანამდე მომხდარის შესახებ არ იცოდა. ეს არის შოკისმომგვრელი ფაქტი. მისი მდგომარეობა საავადმყოფოში მიყვანამდე უკვე ძალიან მძიმედ იყო. სავარაუდოდ, ავარიის შედეგად მძიმე ტრავმა თავის არესი მიიღო", - განაცხადეს Ambebi.ge-სთან საუბრისას გარდაცვლილის მეგობრებმა.

ძლიერი სეტყვა ფონიჭალაში - ფოტოები ადგილიდან

რა არის კიბერბულინგი და როგორ დავიცვათ ბავშვები ონლაინ ჩაგვრისგან - სახელმწიფო ინსპექტორის რეკომენდაციები მშობლებს

საქართველოში წვიმა, სეტყვა და ძლიერი ქარია მოსალოდნელი - უახლოესი დღეების ამინდის პროგნოზი