ავტორი:

ოზურგეთში პატრულს ცეცხლი გაუხსნეს

ოზურგეთში პატრულს ცეცხლი გაუხსნეს

ოზურგეთში საპატრულო პოლიციის ეკიპაჟს ცეცხლი გაუხსნეს. როგორც „ინტერპრესნიუსს“ შსს-ში განუცხადეს, შემთხვევა მიმდინარე წლის 19 მარტს მოხდა. მათივე ინფორმაციით, აღნიშნული პირის ვინაობა დადგენილია და მისი დაკავების მიზნით შესაბამისი ღონისძიებები მიმდინარეობს.

„2019 წლის 19 მარტს, ოზურგეთის რაიონის სოფელ ძიმითში, ღამის საათებში საპატრულო ეკიპაჟის წევრებმა გადამოწმების მიზნით შეაჩერეს ავტომანქანა, რომლის მგზავრი გადმოვიდა ავტომანქანიდან, საპატრულო ეკიპაჟის ავტომანქანის მიმართულებით ცეცხლსასროლი იარაღიდან გაისროლა და შემთხვევის ადგილიდან მიიმალა.

აღნიშნული პირის ვინაობა დადგენილია და მისი დაკავების მიზნით შესაბამისი ღონისძიებები მიმდინარეობს.

მომხდარ ფაქტზე გამოძიება ორი მუხლით მიმდინარეობს - სსკ-ის 353-ე პრიმა მუხლის 1-ლი ნაწილით, რაც პოლიციელზე, სპეციალური პენიტენციური სამსახურის მოსამსახურეზე ან ხელისუფლების სხვა წარმომადგენელზე თავდასხმას გულისხმობს და სსკ-ის 236-ე მუხლის მე-3 და მე-4 ნაწილებით, რაც ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს. დანაშაული 4-დან 7 წლამდე ვადით თავისუფლების აღკვეთას ითვალისწინებს,“ - განუცხადეს „ინტერპრესნიუსს“ შსს-ში.

არასრულწლოვანმა თვითმკვლელობა, სავარაუდოდ, პოლიციელთა ფსიქოლოგიური ძალადობის გამო სცადა - რა განცხადებას ავრცელებს საია

გიგი უგულავას 2000 ლარიანი გირაო შეეფარდა - მან პასპორტი და პირადობის მოწმობა საგამოძიებო უწყებას უნდა ჩააბაროს

პარლამენტთან აქციაზე 16 პირია დაკავებული