ავტორი:

ბექა ხახუბიას გარდაცვალების საქმეზე დაკავებული პოლიციელების განაჩენი ცნობილია

ბექა ხახუბიას გარდაცვალების საქმეზე დაკავებული პოლიციელების განაჩენი ცნობილია

პარლამენტის წევრის, ფოთის მაჟორიტარი დეპუტატის, ირაკლი ხახუბიას შვილის, ბექა ხახუბიას გარდაცვალების საქმეზე გორის რაიონული სასამართლოს მოსამართლე ნიკოლოზ მარსაგიშვილმა განაჩენი გამოაცხადა.

სასამართლოს გადაწყვეტილებით, საპატრულო პოლიციის თანამშრომელი ნუკრი ხაბელაშვილი ცნობილი იქნა უდანაშაულოდ, საპატრულო პოლიციის მეორე თანამშრომელს, ზურაბ რუსიშვილს შეეფარდა თავისუფლების აღკვეთა 1 წლით და 6 თვის ვადით, მესამეს - გია სადაღაშვილს 2 წლით და 6 თვის ვადით პატიმრობა შეეფარდა.

ნუკრი ხაბელაშვილს, ზურაბ რუსიშვილს და გია სადაღაშვილს ბრალად უფლებამოსილების გადამეტება (333-ე მუხლის პირველი ნაწილი) და გაუფრთხილებლობით სიცოცხლის მოსპობა (116-ე მუხლის პირველი ნაწილი) ედებოდათ.

21 წლის ბექა ხახუბია ავტოავარიას 2017 წლის 17 მაისს ემსხვერპლა. მას საავტომობილო მაგისტრალის გორის მონაკვეთზე მდებარე გვირაბთან, საპატრულო პოლიციის თანამშრომლებმა დაუმორჩილებლობის გამო სატვირთო ავტომანქანით გზა გადაუკეტეს, ხახუბია ავტომანქანით აღნიშნულ სატვირთოს შეეჯახა, რა დროსაც გარდაიცვალა. ხახუბიას გარდაცვალების საქმეზე ბრალი 3 პოლიციელს წარედგინა.

ბაჩო ახალაია ციხეს პატიმრობის ვადის ამოწურვიდან 4 თვის შემდეგ დატოვებს - რას აცხადებს მისი მეუღლე ანი ნადარეიშვილი?

გორში "ნაციონალური მოძრაობის" ოფისის დაზიანების ფაქტზე მე-4 პირი დააკავეს

გორში, "ნაციონალური მოძრაობის" ოფისის დაზიანების ფაქტზე მესამე პირი დააკავეს