"ცეცხლის გავრცელებას ხელს ძლიერი ქარიც უწყობს" - ბოლო ცნობები ბაკურიანიდან, სადაც სასტუმრო "რეზიდენსი" იწვის

ბაკურიანში სასტუმრო „რეზიდენსში“ ხანძრის ლოკალიზება ამ დრომდე ვერ ხერხდება. როგორც „ინტეპრესნიუსს“ საგანგებო სიტუაციების მართვის სამსახურში განუცხადეს, ადგილზე 6 სახანძრო-სამაშველო ჯგუფი მუშაობს.

არსებული ინფორმაციით, ცეცხლის გავრცელებას ხელს ძლიერი ქარიც უწყობს. დამწვარია დაახლოებით 100 კვადრატული მეტრის ფართობი. ხანძრის შედეგად არავინ დაშავებულა.