რას ჰყვება ექიმი, რომელმაც ქალი სასწრაფო დახმარების მანქანაში ამშობიარა - "ბედნიერი ვარ, რომ ყველაფერმა კარგად ჩაიარა"

ჩხოროწყუში ქალმა სასწრაფო სამედიცინო დახმარების ბრიგადის მანქანაში იმშობიარა. ბავშვი მაშინ დაიბადა, როცა ორსული საავადმყოფოში გადაჰყავდათ. როგორც Ambebi.ge-ს ექიმი დოდო ფირცხელავა უყვება, დედა-შვილი თავს კარგად გრძნობს.

"გამოგვიძახეს სოფელ კირცხში, სარაკონის უბანში. საავადმყოფოში გადაყვანამდე, გზაში, ჩვენ თვითონ მივიღეთ მშობიარობა და გადავიყვანეთ "ევექსის" უახლოეს კლინიკაში, ზუგდიდში. ჩხოროწყუში, სამწუხაროდ, დაიკეტა სამშობიარო სახლი. ძალიან ბედნიერი ვარ, რომ ყველაფერმა კარგად ჩაიარა", - განაცხადა დოდო ფირცხელავამ. ახალშობილი ბიჭია, რომლის წონა 2 კგ და 800 გრამია.