ავარია და ხანძარი ავტობანზე - საწვავმზიდის მძღოლი ცეცხლს ემსხვერპლა

თბილისი-სენაკი-ლესელიძის საავტომობილო მაგისტრალის გორის მონაკვეთზე დილით ავტოსაგზაო შემთხვევა მოხდა. ავარიის შედეგად ცეცხლი გაუჩნდა ავტობანზე მოძრავ მისაბმელიან საწვავმზიდს.

საგანგებო სიტუაციების მართვის შიდა ქართლის სამმართველოს მეხანძრე-მაშველების 6 ჯგუფი ხანძარს ორი საათის განმავლობაში ებრძოდა.

შემთხვევის ადგილზე მეხანძრეებმა და სამართალდამცავებმა მამაკაცის ცხედარი იპოვეს. მომხდარ ფაქტზე დაწყებულია გამოძიება. გარდაცვლილი მძღოლი საქართველოს მოქალაქეა, ის ქართველია. გარდაცვლილი მძღოლი 1960 წელს დაბადებული მამაკაცია.

ამ დროისთვის არსებული ინფორმაციით, ავტომაგისტრალზე მოძრავი სატვირთო ავტომანქანა გზის სავალი ნაწილიდან გადავარდა, რასაც ხანძარი მოჰყვა.

იხილეთ ვიდეო: ავტობანზე, საწვავმზიდზე გაჩენილი ხანძარი ლიკვიდირებულია