ავტორი:

"4 ახალგაზრდა 200 კმ/სთ-ით მოწყდა..." - ვინ იყო 16 წლის ბიჭი, რომელიც ავარიას ემსხვერპლა

"4 ახალგაზრდა 200 კმ/სთ-ით მოწყდა..." - ვინ იყო 16 წლის ბიჭი, რომელიც ავარიას ემსხვერპლა

თბილისში მომხდარ ავარიას 16 წლის ბიჭი ემსხვერპლა. შემთხვევა წუხელ მოხდა. დიდი სიჩქარით მოძრავი ავტომობილი, რომელშიც 4 ახალგაზრდა იჯდა, ხეს შეეჯახა. უკან მჯდომი ერთ-ერთი ახალგაზრდა ადგილზე გარდაიცვალა. სამი დაშავებული კლინიკაში არიან გადაყვანილი, მათ სიცოცხლეს საფრთხე არ ემუქრება. შინაგან საქმეთა სამინისტრომ მომხდარზე გამოძიება 276-ე მუხლის მე-6 ნაწილით დაიწყო.

Ambebi.ge-ს ინფორმაციით, გარდაცვლილი ახალგაზრდა ნიკა ჯორჯაძეა, რომელიც 16 წლის აგვისტოში გახდებოდა. ის "აგროჰაბის" მარკეტინგის მენეჯერის სალომე გველესიანისა და საქართველოს საავტომობილო ფედერაციის ვიცე-პრეზიდენტის მევლუდ მელაძის შვილია. სალომეს ნიკა პირველი ქორწინებიდან ჰყავს.

მომხდარ ტრაგიკულ შემთხვევასთან დაკავშირებით "ფეისბუქზე" ინფორმაციას ავრცელებს მევლუდ მელაძის მეგობარი გიგი ტუღუში:

"სალომე გველესიანს და მევლუდ მელაძეს ტრაგიკულად დაეღუპათ შვილი ნიკუშა. პანაშვიდი: 16 და17 აპრილს, ანტონოვსკაიას 35გ (ვაჟა-ფშაველას 38-ის არკიდან).გამოსვენება 18 აპრილს საბურთალოს ამაღლების ეკლესიიდან 14:00-ზე".

პოსტის კომენტარებში ტუღუში საზარელი ავარიის შესახებაც წერს:

"14-15 წლის 4 ახალგაზრდა მოწყდა 200 კმ/სთ-ით... ნიკუშა უკან იჯდა და დაიღუპა, მეორე უკან მჯდომი მე-3 სტადიის კომაშია და მძღოლს არაფერი ჭირს"

თბილისის კლასიკური გიმნაზიის პედაგოგს კორონავირუსი დაუდასტურდა

"ქალბატონთან ერთად, რომლისგანაც დავინფიცირდი, უბრალოდ, ერთ ოთახში ვიყავი" - ნოდიკო ტატიშვილს კორონავირუსი დაუდასტურდა

"მე ვერ გავერკვიე მათ რაში ადანაშაულებენ... ამ ადამიანებს ბოდიშს ვუხდი" - მეუფე მელქისედეკი ივერი მელაშვილზე და ნატალია ილიჩოვაზე