ავტორი:

ბათუმელმა მეხანძრეებმა ხანძრის ქრობის დროს დიდი ოდენობით ძვირფასეულობა იპოვეს და მეპატრონეს დაუბრუნეს

ბათუმელმა მეხანძრეებმა ხანძრის ქრობის დროს დიდი ოდენობით ძვირფასეულობა იპოვეს და მეპატრონეს დაუბრუნეს

ბათუმში მეხანძრე-მაშველებმა ცეცხლის ქრობისას ნაპოვნი ოქროს სამკაულები მფლობელს დაუბრუნეს. ინფორმაციას შსს ავრცელებს.

უწყების ინფორმაციით, შინაგან საქმეთა სამინისტროს საგანგებო სიტუაციების მართვის სამსახურში გადაუდებელი დახმარების ოპერატიული მართვის ცენტრ „112“-დან ხანძრის შესახებ შეტყობინება დღეს დილით შევიდა. ადგილზე დაუყოვნებლივ გამოცხადდა მეხანძრე-მაშველთა 11 ჯგუფი.

მათი ოპერატიული მოქმედების შედეგად, გადარჩენილია საცხოვრებელი სახლის უმეტესი ნაწილი. ჯამში, დამწვარია 450 კვადრატულ მეტრამდე ფართობი - შენობის მეორე სართული და სასხვენო გადახურვა.

ხანძრის ქრობისას მეხანძრე-მაშველებმა დიდი რაოდენობით ძვირფასეულობა აღმოაჩინეს. აღმოჩენილი ძვირფასეულობა მეპატრონეს დაუბრუნდა. მომხდარის შედეგად არავინ დაშავებულა. ხანძრის გამომწვევ მიზეზს გამოძიება დაადგენს.

შინაგან საქმეთა სამინისტრომ გამოძიება საქართველოს სსკ-ს 187-ე მუხლის მე-2 ნაწილით დაიწყო, რაც ცეცხლის წაკიდებით ნივთის დაზიანებას ან განადგურებას გულისხმობს.

"მიტოვებულ კარავში იყო..." - მეხანძრე-მაშველებმა გომის მთაზე დაკარგული 23 წლის ბიჭი იპოვეს

მეხანძრე-მაშველებმა ხანძრის დროს ბინიდან ხუთი პირი, მათ შორის ჩვილი გამოიყვანეს

საქართველოში კორონავირუსისგან 9 პაციენტი განიკურნა, ინფიცირებულთა რიცხვი კი 810-მდე გაიზარდა