მკვლელობა თელავში - ბენზინგასამართი სადგურის თანამშრომელს ცეცხლი გაუხსნეს

თელავის მუნიციპალიტეტში, სოფელ იყალთოში მკვლელობა მოხდა. ბენზინგასამართი სადგურის თანამშრომელს, 45 წლამდე მამაკაცს ცეცხლსასროლი იარაღიდან ესროლეს, ის თელავის რეფერალურ სავადმყოფოში მიყვანისთანავე გარდაიცვალა.

AMBEBI.GE-ს ინფორმაციით, შემთხვევას წინ ურთიერთშელაპარაკება უძღოდა. რა გახდა შემთხვევის მიზეზი, ამ ეტაპზე უცნობია.

მოკლული და ეჭვმიტანილი თანასოფლელები არიან. ადგილზე ექსპერტ-კრიმინალისტები მუშაობენ და საგამოძიებო მოქმედებები მიმდინარეობს.

როგორც შინაგან საქმეთა სამინისტროს პრესსამსახურში განაცხადეს, მომხდარზე გამოძიება სსკ-ის 108-ე მუხლით მიმდინარეობს, რაც განზრახ მკვლელობას გულისხმობს. მათივე ინფორმაციით, დანაშაულში ბრალდებული პირი დადგენილია.