ავტორი:

სტიქია კახეთში - ალაზანი კალაპოტიდან გადმოვიდა, გურჯაანისკენ მიმავალი ცენტრალური გზა დაკეტილია

სტიქია კახეთში - ალაზანი კალაპოტიდან გადმოვიდა, გურჯაანისკენ მიმავალი ცენტრალური გზა დაკეტილია

ლაგოდეხის მუნიციპალიტეტში სტიქიის სალიკვიდაციო სამუშაოები მიმდინარეობს. მუნიციპალიტეტის მერის ჯონდო მდივნიშვილის ინფორმაციით, თითქმის ყველა თემში საცხოვრებელი სახლიდან სრულად არის ამოტუმბული წყალი, თუმცა ცალკეულ ადგილებზე სამაშველო სამსახურის ჩართულობა მაინც საჭიროა. ჯონდო მდივნიშვილის თქმით, ამ ეტაპზე სტიქიის ძირითადი ეპიცენტრი, მდინარე ალაზნის მიერ დატბორილი ადგილებია, მათ შორის ცენტრალური მაგისტრალი.

"მეორე დღეა ინტენსიურ რეჟიმში ვებრძვით სტიქიას. უხვმა ნალექმა თითქმის ყველა თემში საცხოვრებელი სახლები, სასოფლო-სამეურნეო სავარგულები და შიდა საუბნო გზები დატბორა. თბილისიდან ჩამოსული სამაშველო ჯგუფებიც გვეხმარებოდნენ. ახლა ძირითადი პრობლემა გურჯაანისკენ მიმავალი ცენტრალური გზაა, სადაც მდინარე ალაზანია გადმოსული და სამანქანე გზის დაკეტვა გახდა საჭირო. სტიქიის ზონაში კვლავ მუშაობს ზარალის დამთვლელი კომისია", - განაცხადა მუნიციპალიტეგის მერმა ჯონდო მდივნიშვილმა.

შინაგან საქმეთა სამინისტროს ინფორმაციით, უხვი ნალექის შედეგად ადიდებული მდინარე ალაზნის მიერ თბილისი-ბაკურციხე-ლაგოდეხის საავტომობილო გზის დატბორვის გამო, აღნიშნული გზის 132-კილომეტრიდან 134 -ე კილომეტრამდე ყველა სახის ავტოტრანსპორტის მოძრაობა აიკრძალა.

გზის აღნიშნულ მონაკვეთზე უსაფრთხოებას პოლიციის და შინაგან საქმეთა სამინისტროს საგანგებო სიტუაციების მართვის სამსახურის თანამშრომლები უზრუნველყოფენ.

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"

ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია

8-9 ოქტომბერს ძლიერი წვიმა და ქარია, 10-ში კვლავ გამოიდარებს - უახლოესი დღეების ამინდის პროგნოზი