"სადო-მაზო" ბოლო ზარი რუსეთში - მოსწავლეების გამომწვევმა სამოსმა ინტერნეტსივრცე აღაშფოთა
რუსეთში, ქალაქ ვლადივოსტოკში მეთერთმეტე კლასელებმა ბოლო ზარი „სადო-მაზო ღონისძიებით“ აღნიშნეს - როგორც რუსული მედია წერს, ახალგაზრდებმა გამომწვევი სამოსი მოირგეს და თამამი ფოტოსესიებიც მოაწყეს.
წვეულებას სოციალურ ქსელებში ხმაური მოჰყვა - ინტერნეტმომხმარებლები მოსწავლეების საქციელს ამორალურს უწოდებენ, თუმცა მათი ნაწილი ფიქრობს, რომ ახალგაზრდების ქმედებებში გასაკრიტიკებელი არაფერია.
74-ე სკოლის მოსწავლეებმა ბოლო ზარამდე ფოტოგრაფიც მიიწვიეს, რათა გამოსაშვები ალბომისთვის სურათები გადაეღოთ. ფოტოსესია სკოლის სპორტდარბაზში გაიმართა.
სკოლის წარმომადგენელი ამბობს, რომ მასწავლებლებმა ბავშვების იდეაზე არაფერი იცოდნენ, მოსწავლეებმა ფოტოსესია ისე დაგეგმეს, რომ პედაგოგებს საეჭვო არაფერი შეენიშნათ.
მეორე დღეს კი, ბოლო ზარზე, ყველა მოსწავლე შესაბამისად ჩაცმული მივიდა - ბიჭები კოსტიუმებით, გოგონები კი საბჭოთა მოსწავლის ფორმებით.