სახალხო ლიტერატურული კონკურსის „გახდი ბესტსელერის ავტორი 2019“ პირველი ტური 7 ივნისს სრულდება. კონკურსანტთა ნაშრომების ნახვა და ხმის მიცემა 7 მაისიდანაა შესაძლებელი შემდეგ ელ. მისამართზე: https://www.palitral.ge/konkursi.html
ხმის მიცემა ორივე ტურში მობილურის ნომრითაა შესაძლებელი. სულ რამდენიმე დღეში გამოვლინდება იმ 20 კორკუნსანტის ვინაობა, რომლებიც შემდეგ ეტაპზე გადავლენ. 10 მათგანს ირჩევს ხალხი, ხოლო 10-ს ჟიური გამოავლენს.
კონკურსის საზოგადოების მაქსიმალური ჩართულობით მიმდინარეობს. მათი თითოეული ხმა უნიკალურია, ვინაიდან ერთი ტელეფონის ნომრით ერთი კონკურსანტისთვის ხმის მიცემა შესაძლებელია მხოლოდ ერთხელ.
გამომცემლობა "პალიტრა L" კონკურსს მესამე წელია ატარებს. პროექტის მიზანია, აღმოაჩინოს ნიჭიერი ავტორები და ხელი შეუწყოს მათ, გამოვიდნენ საერთაშორისო სამწერლო ასპარეზზე.
მკითხველის როლი ამ კონკურსის განმავლობაში მნიშვნელოვანია, სწორედ ამიტომაა კონკურსის ფორმატი ისეთი, რომ ნებისმიერ ადამიანს, საშუალება ჰქონდეს, გაეცნოს თანამედროვე ქართველი ავტორების შემოქმედებას და აირჩიოს საუკეთესო.
ხმის მისაცემად მომხმარებელმა შესაბამის ველში უნდა შეიყვანოს თავისი ტელეფონის ნომერი და დააჭიროს ღილაკს - "SMS კოდის მიღება". ამის შემდეგ მომხმარებელი მიიღებს SMS კოდს, რომელსაც ხმის მიცემისთვის ჩაწერს ველში - "SMS კოდი".
ხმის მიცემა უფასოა.