აქციის მონაწილეებმა, თუშეთის გზაზე პრობლემების მოგვარებისთვის სამდღიანი ვადა დააწესეს

ახმეტის მუნიციპალიტეტის სოფელ ქვემო ალვანში მიმდინარე აქციის მონაწილეებმა, თუშეთის გზაზე არსებული პრობლემების მოგვარებისთვის სამდღიანი ვადა დააწესეს.

• "გვეხოცება შინაური ცხოველები, შარშან ადამიანიც გარდაიცვალა" - რა ხდება თუშეთთან დამაკავშირებელ ერთადერთ საავტომობილო გზაზე

ადგილობრივებმა ხელისუფლებას მოუწოდეს, გზის 56-ე კილომეტრზე ხელოვნურად დაგუბებული ტბა ნაწილობრივ მაინც დაცალონ, სხვა შემთხვევაში ისინი საკუთარი ძალებით აპირებენ მოქმედებას.

კახეთის გუბერნატორის მოადგილემ კი სამუშაოების დასრულების ზუსტი დრო ვერ დააკონკრეტა. თუმცა, გივი მეტრეველმა აქციის მონაწილეებს განუმარტა, რომ თუშეთის გზის გაწმენდითი სამუშაოები ინტენსიურად მიმდინარეობს და პრობლემის დროულად მოგვარება მათ ინტერესებშია.

ამ დროისათვის თუშეთთან დამაკავშირებელ ერთადერთ სავტომობილო გზაზე მანქანით გაფაადგილება შეუძლებელია.მიზეზი გზის 56-ე კილომეტრზე, ხელოვნურ ტბაში წყლის დონის მატება,რამაც სავალი ნაწილი დატბორა.