ღვინის აღმართზე სატვირთო ავტომობილი დაგორდა და სამი მანქანა დააზიანა (ფოტო)

ავლაბარში, ღვინის აღმართზე სატვირთო ავტომობილის დაგორების შედეგად, სამი მანქანა დაზიანდა, მათ შორის ლურჯი ავტობუსი და საპატრულო პოლიციის ავტომობილი.

როგორც "ინტერპრესნიუსს" შსს-ში განუცხადეს, მომხდარის შედეგად ერთი ადამიანი მსუბუქად დაშავდა. მას დაზიანებები ზედა კიდურის არეში აღენიშნება. შსს-მ მომხდარზე გამოძიება სსკ 276-ე მუხლით დაიწყო.