რუსთაველის გამზირზე, პარლამენტის შენობის წინ, სადაც მეექვსე დღეა საპროტესტო აქცია მიმდინარეობს, მოშიმშილე ახალგაზრდებიდან ერთ-ერთი შეუძლოდ გახდა. აქციის ორგანიზატორები პარლამენტის შენობის წინ სასწრაფო სამედიცინო დახმარების ჯგუფს ელოდებიან.
ამ წუთებში რუსთაველის გამზირზე საავტომობილო მოძრაობა გადაკეტილია. პარლამენტის წინ შეკრებილებს სიტყვით გამომსვლელები მიმართავენ. ადგილზე მობილიზებული არიან სამართალდამცველები.
აქციის ორგანიზატორების მოთხოვნა უცვლელია, ისინი დაკავებული პირების გათავისუფლებასა და გიორგი გახარიას გადადგომას ითხოვენ.