სვანეთში 12 წლის გოგონას იარაღი გაუვარდა და მამა იმსხვერპლა

ტრაგიკული შემთხვევა მოხდა სვანეთში - მესტიაში 12 წლის ბავშვს იარაღი გაუვარდა, რასაც მამამისის სიცოცხლე ემსხვერპლა. შემთხვევა იმ დროს მოხდა, როდესაც 12 წლის გოგონა სავარაუდოდ, იარაღით თამაშობდა.

ადგილობრივი გამოცემა "სვანეთინიუსის" ინფორმაციით, გარდაცვლილი 51 წლის დავით გაბლიანია.

როგორც AMBEBI.GE-ს შსს-ში განუცხადეს, მომხდარზე გამოძიება სისხლის სამართლის კოდექსის 116-ე მუხლით მიმდინარეობს, რაც გაუფრთხილებლობით სიცოცხლის მოსპობას გულისხმობს.