ივანკა კოსმოსში, ივანკა ელვის პრესლისთან - რატომ დასცინიან ამერიკელები პრეზიდენტის შვილს

იაპონიაში, „დიდი ოცეულის“ სამიტზე ივანკა ტრამპის მცდელობამ, ყველა პოლიტიკოსთან დიალოგში ჩართულიყო, სოციალური ქსელების მომხმარებლების ყურადღება მიიქცია.

ბრიტანული Indy100 წერს, რომ ივანკა სამიტზე მხოლოდ იმის გამო იმყოფებოდა, რომ აშშ-ს პრეზიდენტის ქალიშვილია. მისი მცდელობა კი, საუბარი გაება ტერეზა მეისთან, ემანუელ მაკრონთან, ჯასტინ ტრიუდოსთან და კრისტინ ლაგარდთან, „ძალიან უადგილოდ ჩანდა“.

ტრამპზე სოციალურ ქსელებში უამრავი მემე შეიქმნა - „ტვიტერის“ მომხმარებლებმა ფოტოშოპის საშუალებით ის რუზველტისა და ჩერჩილის გვერდითაც „დასვეს“ იალტაში და „კოსმოსშიც გაუშვეს“.