გურამ ფალავანდიშვილი შსს-სთან მივიდა, სადაც "თბილისი პრაიდის" ორგანიზატორებმა მსვლელობა გამართეს - "გავიგე, რომ თქვეს პრაიდი შედგაო..."
"თბილისის პრაიდის" მოწინააღმდეგეები შინაგან საქმეთა სამინისტროსთან მივიდნენ, სადაც ცოტა ხნის წინ "თბილისი პრაიდის" ორგანიზატორებმა მსვლელობა გამართეს.
როგორც გურამ ფალავანდიშვილმა ჟურნალისტებს განუცხადა, მათთვის მიუღებელია დაანონსებული პრაიდის გამართვა.
„ჩვენთვის მიუღებელია, მაგრამ რა გავაკეთოთ თუ სადღაც გამოვარდებიან. ჩვენთვის მიუღებელია დაანონსებული პრაიდის გამართვა. გავიგე, რომ თქვეს პრაიდი შედგაო, ვულოცავ გარყვნილების პროპაგანდას. ეს არ არის პრაიდი და თუ არის, მით უარესი მათთვის.
ჩვენ ვითხოვთ მთავრობისგან, რომ კონსტიტუციის დონეზე აიკრძალოს პროპაგანდა ბილწი ჰომოსექსუალიზმის. აეკრძალოთ ჰომოსექსუალებს მუშაობა სკოლებში, ჯარში, სახელმწიფო სამსხურში“, -განაცხადა ფალავანდიშვილმა.
„თბილისი პრაიდის“ ორგანიზატორები შინაგან საქმეთა სამინისტროსთან იმყოფებოდნენ, სადაც მსვლელობა გამართეს. მათ ეჭირათ შემდეგი შინაარსის ბანერები: "არა ჰომოფობიას", "სახელმწიფო, სად ხარ".
მსვლელობის მონაწილეები შინაგან საქმეთა სამინისტროსგან მათი უფლებების დაცვას, ასევე შს მინისტრის, გიორგი გახარიას გადადგომას ითხოვდნენ.
უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"
ვინ არის შორენა ბეგაშვილის ყოფილი ქმრის მეუღლე, რომელიც უკრაინაში ცნობილი დიზაინერია
