ავტორი:

გვარამია შესაძლო დაკავებაზე - კვესიტაძე შეიძლება ცოტა ხნით დაობლდეს, დიტო საძაგლიშვილს ვაბარებ დირექტორის მოვალეობის შესრულებას

გვარამია შესაძლო დაკავებაზე - კვესიტაძე შეიძლება ცოტა ხნით დაობლდეს, დიტო საძაგლიშვილს ვაბარებ დირექტორის მოვალეობის შესრულებას

ველოდები ყველაფერს, რა თქმა უნდა. საერთოდ არ მიმაჩნია ამ ხელისუფლების მხრიდან პრობლემად და მოულოდნელობად, რომ დაგვაკავონ მეც, სხვებიც,- ამის შესახებ ნიკა გვარამიამ მთავარ პროკურატურაში მისვლისას განაცხადა.

მისი თქმით, ხელისუფლება ლეგიტიმურ საზღვრებს გასცდა, ამიტომ, მათგან გასაკვირი არაფერია.

"ეს ხელისუფლება გადასულია უკვე ლეგიტიმური ხელისუფლების ზღვრებიდან, მედიის დაფუძნების გამო, მხოლოდ და მხოლოდ ამ მიზეზით. იმიტომ, რომ არ ეშველა ამ მიკროფონის ("რუსთავი 2"-ის მიკროფონზე) არაფერი და ვერავინ წაიყვანა ჩვენგან იმიტომ, რომ დასრულებულია, მეგობრებო, ეს ამბავი. მორჩა, იქ ვინც მუშაობს, დამკრძალავი კომისიაა და გააცნობიერებენ მალე, მაგრამ, რომ არ ეშველა ამ "რუსთავი 2"-ს და ჩვენთან რომ არის ყველა ის, ვინც არის მაგარი ამ ქვეყანაში, ამას არ ეშველება ნიკა გვარამიას დაჭერით. იმიტომ არიან, რომ ფასეულობა ვისაც ჰქონდა, ის წამოვიდა იქ, სადაც უნდა იყოს. ამიტომ ღიად ვაცხადებ, ეს ადამიანები, ვინც ჩემს უკან დგანან გააკეთებენ საუკეთესო კონტენტს, იქნება ნიკა გვარამია დროებით მათთან ერთად, თუ არ იქნება. ერთადერთი კვესიტაძე შეიძლება ცოტა ხნით დაობლდეს. მეტი არანაირი ცვლილება არ იქნება. დიტო საძაგლიშვილს ვაბარებ ოფიციალურად დირექტორის მოვალეობის შესრულებას. დანარჩენებმა ყველამ თავისი საქმე იცის" - განაცხადა ნიკა გვარამიამ.

ნიკა გვარამიას "რუსთავი 2:-ის საქმეზე ახალი ბრალი წაუყენეს. ახალი ბრალის ერთ-ერთი ეპიზოდის თანახმად, პროკურატურა ნიკა გვარამიას დიდი ოდენობით უძრავი ქონებების უკანონოდ დაუფლებას ედავება.

ამასთან, "რუსთავი 2"-ის საქმეზე, ნიკა გვარამიას გარდა, ბრალი არხის ყოფილ ფინანსურ დირექტორს კახა დამენიას და „ინტერ მედია პლიუსის“ დირექტორს ზურაბ იაშვილსაც წარუდგინეს