ავტორი:

კომპანია 100-წლიანი ისტორიით, რომელიც ევროპელი ბავშვების საყვარელ პროდუქციას აწარმოებს

კომპანია 100-წლიანი ისტორიით, რომელიც ევროპელი ბავშვების საყვარელ პროდუქციას აწარმოებს

როგორც წესი, ბავშვის კვება პირდაპირ უკავშირდება მის იმუნიტეტსა და განვითარებას, ამიტომ მშობლები ცდილობენ, პატარებს დაბადების პირველივე დღიდან შეურჩიონ ისეთი საკვები, რომელიც არ შეიცავს ქიმიურ დანამატებს, კონსერვანტებს, პალმის ზეთსა და სხვა ნივთიერებებს.

მიუხედავად იმისა, რომ ჯერ კიდევ ერთი საუკუნის წინ, მსოფლიო ბავშვთა საკვებთან დაკავშირებით დღეს არსებული გამოწვევების წინაშე არ იდგა, 1902 წელს გამოჩნდა იტალიური კომპანია, რომელმაც გადაწყვიტა, პრემიუმ ხარისხის რძისა და სხვა ნედლეულისგან დამზადებული საკვები ეწარმოებინა. ეს იქნებოდა საკვები, რომლითაც კომპანიის დამფუძნებლები საკუთარ შვილებსაც გაზრდიდნენ და საზოგადოების წინაშე აღებული პასუხისმგებლობის არასდროს შეეშინდებოდათ. ასე დაიწყო კომპანია Plasmon-ის ისტორია, რომელიც იტალიელმა ფიზიკოსმა ჩეზარე სკოტიმ დააარსა. მათი პირველი პროდუქტი ფხვიერი ნამცხვარი (ორცხობილა) იყო.

Plasmon-ის ორცხობილები ბიო წარმოებაზე იყო დაფუძნებული. ის დიდი ოდენობით პროტეინებს შეიცავდა და მაღალი კვებითი ღირებულებით გამოირჩეოდა. ვინც მათ მოიხმარდა, დარწმუნებული იყო, რომ ჯანსაღად იკვებებოდა და ჩვილ ბავშვებსაც უყოყმანოდ აძლევდა. მე-20 საუკუნის დასაწყისში ეს ორცხობილები იმდენად დიდი პოპულარობით სარგებლობდა, ცნობილმა ირლანდიელმა პოლარული მიმართულებების მკვლევარმა ერნეს შეკლტონმა 1902 წელს ანტარქტიდის ექსპედიციაშიც კი წაიღო (თანაგუნდელებთან ერთად, მას ანტარქტიდის ფეხით გადალახვის მიზანი ამოძრავებდა). ექპედიციის წევრებმა შობა ყველაზე ცივ კონტინენტზე აღნიშნეს. ამ დღეს შეკლტონი წერდა - „ცხელი ლანჩი მქონდა. ვიყავი მზარეული, მოვამზადე ბოვრილი, მივირთვი შოკოლადი და Plasmon-ის ორცხობილები, რომელსაც ჯემი გადავუსვი. დიდებული იყო!“.

გასაკვირი არ იქნება, თუ შეიტყობთ, რომ მე-20 საუკუნის დასაწყისშიც, მსოფლიოს მოსახლეობის ნაწილი ჯანსაღად კვებაზე ზრუნავდა და მინარევებისა და პესტიციდებისგან თავისუფალ პროდუქტს მოიხმარდა. ამიტომ კომპანიის პოპულარობა და მისი პროდუქციის მომხმარებელთა რიცხვი სულ უფრო იზრდებოდა. Plasmon-ის ასორტიმენტში ამ პერიოდში რძის ფხვნილიც იწარმოებოდა, რომელსაც სხვა პროდუქტებთან ვარიაციაშიც მოიხმარდნენ.

მალე, Plasmon-მა სემიუელ ლენგჰორნ კლემენზის ყურადღებაც მიიპყრო. დიახ, ეს „ტომ სოიერის თავგადასავლისა“ და „ჰეკლბერი ფინის თავდაგადასვლის“ ყველასთვის საყვარელი ავტორი მარკ ტვენია, რომელიც კომპანიის ინვესტორიც გახდა და მისი პროდუქციის პრომოციასაც ეწეოდა. თავად, Plasmon-ის ნაწარმს ყოველდღიურად მოიხმარდა და ოჯახის წევრებსაც სთავაზობდა.

მსოფლიო ომების, გაჭირვებისა და მძიმე წლების მიუხედავად, განვითარების არცერთ ეტაპზე Plasmon-ის ერა არ დასრულებულა. თავდაპირველად, პროდუქცია გერმანელი და ბრიტანელი მეცნიერების ტექნოლოგიით იწარმოებოდა და ექსპორტზე ევროპის ქვეყნებში გაჰქონდათ, სადაც საკმაოდ მოთხოვნადი იყო. 1904 წელს იტალიაში ბრენდის პროდუქციის წარმოების ლიცენზია შეიძინეს, მალევე, კომპანია სრულად იტალიური გახდა. 1-ლი მსოფლიო ომის პერიოდში, 1916 წელს კომპანიაSocieta del Plasmon-ს სახელით იყო ცნობილი, რადგან ახალმა მმართველებმა დასახელება შეუცვალეს, თუმცა ყველამ იცოდა, რომ პროდუქციის ხარისხი არ შეცვლილა. მისი ცნობილი ორცხობილები კი ისევ იტალიელი ბავშვებისა და მოზარდების საყვარელ წასახემსებელ საშუალებად რჩებოდა.

როგორც ბევრი პროფესიონალის კარიერაში, ისე ბევრი კომპანიის ისტორიაში დგება გარდამტეხი მომენტები, როცა ნებისმიერმა ნაბიჯმა შეიძლება, დიდი ძალისხმევით, თითო აგურით ნაშენები კედელი ერთმა გადაწყვეტილებამ ჩამოშალოს, თანაც იმაზე სწრაფად, ვიდრე ეს მსოფლიოს მეორე უმძიმესი ისტორიული წლების შემდეგ, ბერლინის კედელს დაემართა. 1961 წელს კომპანიამ რევოლუციური გადაწყვეტილება მიიღო და ბავშვის საკვების წარმოებაზე გადავიდა. გადაწყვეტილება რევოლუციური იყო იმიტომ, რომ პირველმა გაიტანა ჰომოგენური პროდუქტები ბაზარზე.

კომპანიამ კიდევ ერთხელ შეიცვალა სახელი და 1981 წლიდან Plasmon Dietetici Alimentari გახდა. 80-იან წლებში ის ბავშვთა კვებაში ნამდვილი ინოვატორი იყო, რომლის სახელსა და გამოცდილებას ევროპელი დედები და მამები ენდობოდნენ. ბაზარზე არსებული კონკურენციის მიუხედავად, Plasmon-ის ბავშვის საკვები გათვიცნობიერებული მშობლებისთვის დღესაც შეუცვლელია, რადგან 30 წელზე მეტია, კომპანია საკუთარ თავს კიდევ უფრო მკაცრ მოთხოვნებს უწესებს, ვიდრე ამას კანონით ბავშვთა კვებასთან დაკავშირებული რეგულაციები ითვალისწინებს.

კომპანიის დაარსებიდან 100 წელზე მეტი გავიდა. ჩვენთვის და ჩვენი შვილებისთვის ჯანსაღი საკვების შერჩევა კი დღეს უფრო დიდ გამოწვევებთან არის დაკავშირებული. Plasmon-მა გადაწყვიტა, წარმოების ტრადიციული მეთოდებისთვის არ ეღალატა, ამიტომ გარემოს დაცვის გათვალისწინებით, პროდუქციისთვის საუკეთესო ინგრედიენტებს არჩევს.

ნაყოფი, რომელსაც კომპანია იყენებს, დაბინძურებული ადგილებიდან შორს იზრდება, ოპტიმალურად მწიფდება და ექსპერტი აგრონომების მუდმივი დაკვირვების ქვეშაა. სპეციალისტები მინიმუმამდე ამცირებენ მიკოტოქსინების წარმოქმნის რისკს და ინტეგრირებულ დაცვით ტექნიკებს იყენებენ, რათა გარემოზე ნაკლები უარყოფითი ზეგავლენა მოახდინონ.

წარმოებისთვის მნიშვნელოვან ფაქტორს სანდო ფერმების ფაქტორი წარმოადგენს. ალბათ, ხშირად გსმენიათ, რომ ლაღად და ჯანსაღ გარემოში გაზრდილ ცხოველს უფრო ჯანსაღი პროდუქტის მოწოდება შეუძლია. ეს მართლაც ასეა.

„ჩვენ ვიცით, რომ ბავშვთა კვებას დიდი ყურადღება ესაჭიროება, ამიტომაც ჩვენი კონტროლი ხორციელდება მოსავლის აღების წინ სამეურნეო მიწებსა და ფერმებში ინსპექტირების მეშვეობით. ჩვენს პროდუქტებს ყოველთვის ვაწარმოებთ იტალიაში და Oasi nella Crescita® -ს მეშვეობით, 30 წელზე მეტია, კიდევ უფრო მკაცრ მოთხოვნებს ვუწესებთ საკუთარ თავს ბავშვთა კვების მიმართულებით, ვიდრე ეს კანონით არის გათვალისწინებული. მჭიდრო კავშირში ვმუშაობთ ჩვენს მომწოდებლებთან, რომლებთან ერთადაც ჩვენ შევქმენით თანამშრომლობასა და პროდუქტიულობაზე დაფუძნებული მიდგომა, რათა ვუზრუნველვყოთ ნედლეულისა და მზა პროდუქტის მაქსიმალური ხარისხი. წარმოების ქსელში განხორციელებული მრავალი კონტროლის გარდა, ჩვენ გავდივართ ნედლეულის 10 000 ლაბორატორიულ შემოწმებას“, - წაიკითხავთ კომპანიის აღწერაში.

ამასთან, იტალიელების საყვარელი ბრენდი წარმოებისთვის ბორცვზე მდებარე მიწებზე მოყვანილ ხორბალს არჩევს, სადაც ქარიანი კლიმატია. აგრეთვედაბლობებზე, სადაცმიწაბუნებრივადნაყოფიერია. ირჩევა მხოლოდ და მხოლოდ საუკეთესო მარცვლები, რომელთას დამუშავება პესტიციდების გარეშე ხორციელდება.

დღეს, Plasmon აწარმოებს ისეთ პროდუქციას, როგორიცა აბოსტნეულის, ხილის და ხორცის პიურეები, ხილის პაუჩები, ხილის იოგურტები, ყველი, თევზეული, ორცხობილები, ადაპტირებული (დედის რძის შემცვლელები) და სამკურნალო ფორმულები.

კომპანია ითვალისწინებს, რომ ბავშვის ზრდა - განვითარებასთან ერთად, მისი რაციონი უფრო მრავალფეროვანი ხდება, ამიტომ ზრდის სხვადსხვა ეტაპის შესაბამისად, Plasmon საუკეთესო რეცეპტების შექმნისკენ არის მიმართული.

პლასმონი - ექსკლუზიური რეცეპტებით და დელიკატური გემოთი, დამზადებულია მხოლოდ ნარჩევი ინგრედიენტებისგან, თქვენი პატქატრებისათვის საუკეთესო პროდუქტების შესაქმნელად.

ბრენდის სლოგანიც სწორედაც რომ ამართლებს მის ასორტიმენტის მრავალფეროვნებას - პლასმონი ვიზრდებით გემოსთან ერთად!

აზერბაიჯანის ტურიზმის საბჭო თბილისში ვიზიტორთა ცენტრ „Azerbaijan.Travel”-ს ხსნის

“დანკინში“ WOLT – ით შეკვეთისას Pickup სერვისი დაიწყო

როგორ მზადდება სახის მოვლის საშუალებები ლოკოკინისგან და რა განსაკუთრებულ თვისებებს შეიცავს ისინი