"საკუთარი შვილები ვერ წაიყვანეს სკოლაში, მაგრამ სხვა პატარებს ეხმარებიან" - პატრულმა პირველკლასელებს სწავლის დაწყება მიულოცა

დღეს საქართველოს საჯარო სკოლებში სწავლა განახლდა. საქართველოს განათლების, მეცნიერების, კულტურისა და სპორტის სამინისტროს ინფორმაციით, ახალი სასწავლო წლისთვის, სრული და ნაწილობრივი რეაბილიტაცია მთელ საქართველოში, უპრეცედენტო მასშტაბით, 700-მდე სკოლაში განხორციელდა.

დილიდან თბილისისა და რეგიონების საჯარო სკოლებთან საპატრულო პოლიციის თანამშრომლები იყვნენ მობილიზებული. ისინი ადგილზე მოძრაობას არეგულირებდნენ და მოსწავლეებს სკოლამდე უსაფრთხოდ მისვლაში ეხმარებოდნენ.

"პატრულთან სელფის გარეშე როგორ შეიძლებოდა... მართალია ამ ბიჭებმა საკუთარი შვილები ვერ წაიყვანეს სკოლაში და ბაღში, მაგრამ მერე რა, სხვა პატარებს ეხმარებიან დილიდან... ყველას გილოცავთ სწავლის დაწყებას... წარმატებები!" - წერს შსს-ს საზოგადოებასთან ურთიერთობის სამსახურის თანამშრმელი.

AMBEBI.GE თბილისისა და რეგიონების საჯარო სკოლასთან გადაღებულ ფოტოებს გთავაზობთ:

თბილისი

თელავი

გორი

რუსთავი