სახელმწიფო ინსპექტორის საზოგადოებასთან ურთიერთობის დეპარტამენტის ხელმძღვანელად ნინო ცხადაძე დაინიშნა. მანამდე ის შინაგან საქმეთა სამინისტროში საზოგადოებასთან ურთიერთობის დეპარტამენტის თანამშრომელი იყო. უწყებაში ცხადაძე 8 წლის განმავლობაში მუშაობდა.
ცნობისთვის, სახელმწიფო ინსპექტორის სამსახური სამართალდამცავთა მიერ ჩადენილი დანაშაულების გამოძიების მიზნით შექმნილი დამოუკიდებელი საგამოძიებო მექანიზმია. პარლამენტმა სახელმწიფო ინსპექტორის თანამდებობაზე ლონდა თოლორაია აირჩია. თოლორაიამ ინსპექტორის პოსტი 6 წლის ვადით დაიკავა. ის უფლებამოსილების განხორციელებას 3 ივლისიდან შეუდგა.