რა ვითარებაა ტყიბულში, მინდელის შახტთან, სადაც მაღაროელები იკრიბებიან

ტყიბულში, მინდელის შახტთან მაღაროელები საპროტესტო აქციის გასამართად იკრიბებიან. როგორც „ინტერპრესნიუსს“ მეშახტეებმა განუცხადეს, მათი მოთხოვნაა სასწრაფოდ მოხდეს მიმდინარე თვის ხელფასების დარიცხვა.

როგორც მეშახტეები აცხადებენ, უხელფასობის გამო ვერ ახერხებენ კომუნალური გადასახადების გადახდას, რის გამოც შესაძლოა ბუნებრივი აირის და ელექტროენერგიის მიწოდება შეუწყდეთ.

შეგახსენებთ, რომ დღეს ტყიბულში 25-მდე მეშახტე მინდელისა და ძიძიგურის სახელობის შახტში ჩავიდა და ამოსვლაზე უარს აცხადებს, ვიდრე მიმდინარე ხელფასს არ მიიღებენ. მეშახტეები აცხადებენ, რომ შრომის ანაზღაურება 15 სექტემბრამდე უნდა მიეღოთ, თუმცა კომპანიამ ისინი სასწავლო წლის დაწყების დროს თანხის გარეშე დატოვა და უფრო მეტიც - კომპანიის წარმომადგენლები ვერც ახლა ამბობენ როდის დაურიცხავენ ხელფასებს.