ავტორი:

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

ქართველი ჟურნალისტის და ამერიკელი დიპლომატის ქორწილი ვაშინგტონში - "ძალიან ბედნიერები ვართ, რომ ვიპოვეთ ერთმანეთი"

5 ოქტომბერს, ვაშინგტონში ქართველმა და ამერიკელმა სტუმრებმა ქორწილის ცერემონიაზე მოიყარეს თავი - აშშ-ს დედაქალაქში "ამერიკის ხმის" ჟურნალისტმა ია მეურმიშვილმა და ამერიკელმა დიპლომატმა კურტ ვოლკერმა იქორწინეს.

წყვილის ქორწილის ფოტოები "ფეისბუქზე" წვეულების სტუმრებმა გაავრცელეს. ერთობლივი ფოტო გამოაქვეყნა ია მეურმიშვილმაც, რომელსაც ასეთი მინაწერი გაუკეთა:

"ძალიან ბედნიერები ვართ, რომ ვიპოვეთ ერთმანეთი და გაგვიმართლა, რომ შეგვიძლია სიყვარულის და ბედნიერების გაზიარება ერთმანეთისთვის, ვიდრე სიკვდილი არ დაგვაშორებს!

ეს იყო საოცარი საღამო, ვგრძნობდით დიდ სიყვარულსა და მხარდაჭერას ჩვენი მეგობრებისგან, რომლებიც აშშ-ს სხვადასხვა ქალაქიდან, კანადიდან, კურტის მშობლიური ჰატბოროდან და და ჩემი სამშობლოდან, საქართველოდან ჩამოვიდნენ" - დაწერა ჟურნალისტმა "ფეისბუქის" პირად გვერდზე.

ქორწილს საქართველოდან რამდენიმე ათეული სტუმრი ესწრებოდა, მათ შორის ჟურნალისტები, პოლიტიკოსები და დიპლომატები.

სტუმრებს შორის იყვნენ: თავდაცვის ყოფილი მინისტრის მოადგილე და საქართველოს ატლანტიკური საბჭოს ვიცე-პრეზიდენტი ბათუ ქუთელია; "შენების მოძრაობის" წევრი და ექსპერტი თვითმმართველობის საკითხებში თენგიზ შერგელაშვილი; საერთაშორისო საკითხების ექსპერტი და საქართველოს ყოფილი პრეზიდენტის მრჩეველი თენგიზ ფხალაძე და სხვები.

კურტ ვოლკერი აშშ-ის პრეზიდენტის სპეციალური წარმომადგენელი იყო უკრაინაში და ეს თანამდებობა ცოტა ხნის წინ დატოვა. ამასთან, წლების წინ ის იყო NATO-ში აშშ-ს ელჩი.

ვოლკერი ცოტა ხნის წინ მაკკეინის ინსტიტუტის აღმასრულებელი დირექტორის თანამდებობიდანაც გადადგა. ამერიკელი დიპლომატის გვარი უკრაინის სკანდალში ფიგურირებს. 9 ოქტომბერს ვოლკერი კონგრესში მივა და ჩვენებას მისცემს.

"კიბო არ  არის  მომაკვდინებელი,  ის ბოლო გაფრთხილებაა, რომ..." - ამერიკელი ფსიქოლოგის საოცარი დასკვნა დაავადების მიზეზებსა  და მკურნალობაზე

ბაია პატარაიას თათია სამხარაძე და უფლებადამცველები დაუპირისპირდნენ - "სამი წელია პირში წყალი მაქვს დაგუბებული..."

უზენაესი სასამართლოს მოსამართლეობის ყოფილი კანდიდატი თამთა თოდაძეზე - "რა ბრიჯიტ ბარდო ესა მყავს, რა აბია ასეთი ნეტავ"